«Narešcie narmalny trapiŭsia». U Mahilovie najlepšym dvornikam staŭ afrykaniec Ismaił
Ismaił Suma — rabočy ŭčastka № 7. U 2026 hodzie jon uziaŭ kamunalnuju viaršyniu Mahilova, dy i ŭ 2025‑m taksama. Jahonaje fota, jakoje visić na Došcy pašany ŽREU Leninskaha rajona, pakazali ŭ efiry «Biełaruś 4 Mahiloŭ», piša «MohilevOnłajn».
Niahledziačy na afrykanskija karani, Ismaił užo maje biełaruski pašpart. Žyvie i pracuje jon u mikrarajonie Jubilejny. Miascovyja ŭžo nazyvajuć jaho «našym smajlikam» i «budzilnikam».
«Pryjšoŭ siudy i pačaŭ prybirać. Žychary kažuć: «Narešcie narmalny dvornik trapiŭsia», — raskazaaje Ismaił.
Čamu jon staŭ najlepšym?
«U jaho pastajanna čysty dvor. Jon adkazny rabotnik i jakasna vykonvaje toje, što jamu daručana, — acharaktaryzavała padnačalenaha staršy majstar. — I žychary našaha rajona vielmi zadavolenyja Ismaiłam».
«Niezvyčajny» dvornik pryznajecca, što pracavać, viadoma, ciažka: u śnieh, daždžy, marazy. Dy i pryroda časam siurpryzy robić — i zhadvaje minułahodni letni ŭrahan, jaki ŭsich «padvioŭ». Pracavali z 5‑j ranicy ranicy. Anałahična jašče da śvitańnia «vyskrabajuć» śnieh zimoj. I ŭsio adno na adras kamunalnych słužbaŭ vielmi šmat krytyki, nie chavaje Ismaił.
U minułym prybiralščyk terytoryj byŭ aficyjantam i daŭno maryć stać kucharam. Kaža, što smačna hatuje i choča zaniacca kandytarstvam ci piakarstvam. A pakul, paśla taho jak vymiecie ŭsie vulicy, — tancuje ŭ chareahrafičnym ansambli i zajmajecca akrabatykaj.
Ciemnaskury student u Minsku paskardziŭsia Łukašenku na darahuju koka-kołu. Užo vybačaŭsia, ale milicyja im zacikaviłasia
U Centralnym parku Homiela časta śpiavaje afrykaniec. Što za jon?
«Pacyjenty dzivilisia, ciapier vitajucca na vulicy. Tolki nie treba kazać Hello, bro!» U Barysavie žyvie i pracuje doktar ź Nihieryi
Upieršyniu ŭ Biełarusi katalickim śviatarom staŭ afrykaniec, jon słužyć u Homieli
Kamientary