U Minfinie padličyli, kolki biudžetu budzie kaštavać zdaroŭje adnaho biełarusa ŭ 2026 hodzie
Minimalny narmatyŭ na biaspłatnuju miedycynu ŭ raźliku na adnaho žychara krainy ŭ 2026 hodzie składaje amal 1700 rubloŭ. Takija danyja pryvodzić Ministerstva finansaŭ.

Usiaho ŭ hetym hodzie na achovu zdaroŭja płanujuć vydatkavać 15,3 młrd rubloŭ. Asnoŭnuju častku sumy (12 młrd) vydaduć miascovyja biudžety, jašče 3,3 młrd dadaść respublikanskaja kazna.
Hetyja hrošy pojduć na abnaŭleńnie i ramont balnic i paliklinik, zakupku sučasnaha abstalavańnia i lekaŭ. Taksama za košt biudžetu apłaciać prahramy prafiłaktyki i praviadzieńnie dyspansieryzacyi.
Raniej staličnyja ŭłady raskryli sabiekošt niekatorych miedpasłuh, piša Office Life.
Tak, adzin vizit da terapieŭta abychodzicca biudžetu prykładna na 45 rubloŭ, a da stamatołaha — amal 70 rubloŭ. Sutki ŭ reanimacyi kaštujuć kala 1,7 tys. rubloŭ, što faktyčna roŭna hadavomu narmatyvu raschodaŭ na adnaho čałavieka.
Ciapier čytajuć
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec
Kamientary