Vienhryja viarnuła Ukrainie kanfiskavanyja srodki i kaštoŭnaści Aščadbanka
Pra vyrašeńnie prablemy z ukrainskimi hrašyma i kaštoŭnaściami, zatrymanymi ŭ Vienhryi padčas pieradvybarčaj kampanii, paviedamiŭ prezident Ukrainy Uładzimir Zialenski.
«Važny krok u adnosinach ź Vienhryjaj: siońnia byli viernutyja srodki i kaštoŭnaści Aščadbanka, jakija zachapili vienhierskija śpiecsłužby ŭ sakaviku hetaha hoda. Tady vienhierski bok niepravamierna zatrymaŭ ukrainskich inkasataraŭ. Ludziej my viarnuli chutčej, a zaraz užo na ŭkrainskaj terytoryi i srodki, i kaštoŭnaści ŭ poŭnym abjomie. Udziačny Vienhryi za kanstruktyŭ i cyvilizavany krok» — napisaŭ Uładzimir Zialenski.
Incydent adbyŭsia 5 sakavika, kali ŭ Vienhryi zatrymali ŭkrainskich inkasataraŭ, što jechali na słužbovych mašynach z Aŭstryi va Ukrainu i pieravozili najaŭnyja hrošy ŭ miežach supracoŭnictva pamiž dziaržaŭnymi bankami. Vienhierskija ŭłady zajavili, što kanfiskacyja srodkaŭ stała adkazam na nibyta błakavańnie Ukrainaj pracy naftapravoda «Družba», i što inkasatary padazrajucca ŭ admyvańni hrošaj.
10 sakavika ŭrad Vienhryi pryniaŭ rašeńnie, jakoje dazvalała zachoŭvać kanfiskavanyja hrošy i załatyja źlitki nie mienš jak 60 dzion. Dakumient padpisaŭ premjer-ministr krainy Viktar Orban.
Ministr zamiežnych spraŭ Ukrainy Andrej Sibiha ŭ adkaz zajaviŭ, što dziejańni vienhierskich uładaŭ možna razhladać jak dziaržaŭny ekanamičny cisk i faktyčna «dziaržaŭny teraryzm».
Vyrašyć prablemu ŭdałosia tolki tady, kali partyja Viktara Orbana «Fides», jakaja pabudavała vybarčuju kampaniju ŭ značnaj stupieni na antyŭkrainskaj rytorycy, 12 krasavika ŭčystuju prajhrała parłamienckija vybary i dniami musić sastupić uładu partyi «Cisa» na čale z Pieteram Madźjaram.
Vienhryja viarnuła Ukrainie inkasatarskija aŭtamabili, ale biez hrošaj
Zatrymanyja ŭ Vienhryi hramadzianie Ukrainy buduć vysłanyja z krainy
U Vienhryi patłumačyli zatrymańnie supracoŭnikaŭ ukrainskaha Aščadbanka admyvańniem hrošaj
Zatrymanyja ŭ Budapiešcie inkasatarskija mašyny ŭkrainskaha Aščadbanka znachodziacca na terytoryi Antyterarystyčnaha centra Vienhryi
U Budapiešcie zatrymali siem supracoŭnikaŭ ukrainskaha Aščadbanka ź dziasiatkami miljonaŭ dalaraŭ
Ciapier čytajuć
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu4848
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu48
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3636
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było36
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1414
Kamientary