66‑hadovuju hamialčanku asudzili pa čatyroch palityčnych artykułach i adpravili ŭ kałoniju za kamientary ŭ telehramie
Volha Strojeva šmat hadoŭ mieła ŭłasny biznes.
Volzie Strojevaj 66 hadoŭ. Usio žyćcio jana pražyła ŭ Homieli. Žančyna zajmałasia ŭłasnym biznesam — bolš za dvaccać hadoŭ jana pradavała rybnyja dalikatesy, čyrvonuju i čornuju ikru. Svaju spravu joj daviałosia zharnuć praz nastupstvy pandemii karanavirusa.
U Volhi jość dźvie dački. Adna žyvie ŭ Azii, druhaja — u Rasii. Sama žančyna trymała doma katoŭ i sabak, a taksama aktyŭna zachaplałasia ezaterykaj — praktykavała «siłu dumki», miedytacyi i mietad chaapanapana.
Strojevu aryštavali ŭ vieraśni 2025 hoda. Homielski abłasny sud vynies joj prysud adrazu pa čatyroch artykułach Kryminalnaha kodeksa. Jaje abvinavacili ŭ raspalvańni varožaści (č. 1 art. 130), zaklikach da dziejańniaŭ na škodu nacyjanalnaj biaśpiecy (č. 3 art. 361), abrazie Łukašenki (č. 1 art. 368), a taksama ŭ sadziejničańni ekstremisckaj dziejnaści (č. 1 i č. 2 art. 361‑4 KK).
Vidavočna, što pieraśled Volhi źviazany mienavita z kamientarami ŭ telehramie. Jaje akaŭnt byŭ nieabaronieny: tam stajała jaje ŭłasnaje imia i fota, a pryviazany jon da jaje biełaruskaha numara.
Viadoma, što Strojevaj prysudzili kałoniju. Ciapier jana za kratami, ale dakładny prysud nieviadomy.
«Naša Niva» — bastyjon biełaruščyny
PADTRYMAĆCiapier čytajuć
U 2021 hodzie vypusknica admoviłasia pacisnuć ruku Hihinu na ŭručeńni dypłoma. Ciapier BDU nie choča jaho paćviardžać32
Kamientary