Łukašenka zaklikaŭ Małdovu «nie rezać pupavinu» i nie hublać raniejšych partnioraŭ
Padčas sustrečy ŭ Minsku z małdoŭskim palitykam Iharam Dadonam Alaksandr Łukašenka vykazaŭ zaniepakojenaść razmovami pra pahrozu niezaležnaści Małdovy, zaklikaŭ Kišynioŭ zachavać šmathadovyja suviazi i raskazaŭ pra kaštoŭnaść suvierenitetu.
Alaksandr Łukašenka zaklikaŭ Małdovu «nie rezać pupavinu» i nie hublać raniejšych partnioraŭ. Pra heta jon zajaviŭ na sustrečy z małdoŭskim prarasijskim palitykam i eks-kiraŭnikom krainy Iharam Dadonam, jaki ciapier zajmaje pasadu staršyni Partyi sacyjalistaŭ Respubliki Małdova.
«Nie treba rezać hetuju pupavinu i rvać adnosiny z tymi, z kim vy zaŭsiody znachodzili ahulnuju movu. Voś heta dla mianie hałoŭnaje, i ja publična chacieŭ skazać, što Małdova i małdavanie — heta naša luboŭ. Ja dumaju, Savieckaha Sajuza kaliści ŭ cełym. My ź vialikaj pavahaj stavilisia da vašaha naroda i vašaha kraju. I my nie chočam hetaha stracić. I vy, spadziajusia, taksama», — skazaŭ jon.
Taksama Łukašenka paprasiŭ nie dapuścić straty suvierenitetu Małdovy.
«My vielmi časta apošnim časam čujem z roznych krynic pra toje, što Małdova hatova stać ci nie častkaj inšaj dziaržavy. Viadoma, adkryta skažu, ja jak naohuł čałaviek, ulubiony ŭ vašu krainu, ty heta dobra viedaješ, z žacham heta čuju i ŭsprymaju», — zajaviŭ jon.
Taksama Łukašenka raskazaŭ pra kaštoŭnaść suvierynitetu dla kožnaj krainy.
«Nie chaču kazać banalnyja rečy pra toje, što suvierenitet i niezaležnaść doraha zaŭsiody kaštujuć i heta hałoŭnaje dla luboj krainy (heta ty lepš za mianie viedaješ), ale ja vielmi prasiŭ by i ciabie, i tvaich prychilnikaŭ, kab ni ŭ jakim razie nie dapuścili źniščeńnia takoj kvitniejučaj, cudoŭnaj, niachaj nievialikaj pa pamierach, krainy, jak Małdova. Takoj pryhažości, jakuju biełarusy ŭsie lubili ŭ Małdovie, naŭrad ci znojdzieš u śviecie. Heta taki cichi, spakojny byŭ kutok (dumaju, i jość) dla žyćcia ludziej. My zaŭsiody vam zajzdrościli», — dadaŭ jon.
Z 2020 hoda, paśla prychodu da ŭłady prajeŭrapiejskaj partyi PAS, Małdova ŭziała vyrazny kurs na intehracyju ź ES. Kraina aficyjna atrymała status kandydata na ŭstupleńnie ŭ Jeŭrasajuz i pačała pieramovy ab siabroŭstvie. Hety praces uskładniajecca prysutnaściu rasijskich vojskaŭ u Prydniastroŭi — sieparatysckim rehijonie Małdovy, jaki de-fakta kantralujecca Rasijaj z pačatku 1990‑ch hadoŭ.
Da taho adnosiny pamiž Kišyniovam i Maskvoj rezka pahoršylisia paśla pačatku paŭnamaštabnaha ŭvarvańnia Rasii va Ukrainu ŭ 2022 hodzie, jakoje Małdova asudziła.
Maskva rehularna vykarystoŭvała haz i ekanamičnyja embarha jak ryčahi cisku na małdoŭskija ŭłady. Rasija taksama padtrymlivaje prarasijskuju apazicyju ŭ Małdovie (u tym liku Ihara Dadona i struktury źbiehłaha aliharcha Iłana Šora), jakuju Kišynioŭ i zachodnija raźviedki abvinavačvajuć u sprobach destabilizacyi situacyi i padrychtoŭcy dziaržaŭnaha pieravarotu.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha11
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu101101
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu101
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1515
Kamientary