Śledstva ŭstanaviła asobu zabojcy polskaha sałdata, zabitaha na biełaruskaj miažy. Padazravany moža chavacca ŭ Biełarusi
Raniej była infarmacyja, što zabojcu ŭdałosia praniknuć u Zachodniuju Jeŭropu, jaho bačyli ŭ Francyi i Bielhii.
Polskija śledčyja vyznačyli asobu mihranta, jaki ŭ mai 2024 hoda śmiarotna paraniŭ nažom praz płot na polska-biełaruskaj miažy žaŭniera Matevuša Sitaka. Pavodle nieaficyjnaj infarmacyi radyjo RMF FM, padazravany ciapier znachodzicca na terytoryi Biełarusi.
U śniežni ŭ Minsk byŭ nakiravany zapyt ab aryšcie padazravanaha i jaho ekstradycyi ŭ Polšču. Dahetul biełaruskija ŭłady nie adkazali na hety zapyt. Praz adsutnaść adkazu rasśledavańnie było prypyniena ŭ mai.
Małavierahodna, što Biełaruś ekstraduje hetaha čałavieka ŭ Polšču, paviedamili karespandentu RMF FM ludzi, znajomyja sa śledstvam. Pavodle słoŭ surazmoŭcaŭ, kali b mužčynu adpravili ŭ Polšču, jaho b padčas dopytu raspytali, siarod inšaha, pra toje, jak jon trapiŭ u Biełaruś.
U listapadzie 2024 hoda źjaviłasia infarmacyja, što napadnik zmoh uciačy ŭ Zachodniuju Jeŭropu i byŭ zaŭvažany ŭ Francyi i Bielhii.
Taksama była infarmacyja, što polskaha sałdata zabiŭ hramadzianin Maroka. Ab hetym paviedamiła mihrantka, jakaja nielehalna pierajšła biełaruska-polskuju miažu i padała zajaŭku na mižnarodnuju abaronu. Polskija słužby aficyjna nie kamientavali hetuju infarmacyju.
21‑hadovy Matevuš Sitak, sałdat 1‑j Varšaŭskaj tankavaj bryhady, pamior 6 červienia ŭ Vajenna-miedycynskim instytucie Varšavy ad ranieńnia, atrymanaha 28 maja padčas słužby.
Tady miažu šturmavała hrupa z prykładna 50 mihrantaŭ. Jany pavodzili siabie ahresiŭna, zakidvajučy pamiežnikaŭ halinami dreŭ, pałkami i kamianiami. U adnaho ź ich byŭ nož, prymacavany da pałki. Im jon praz aharodžu pyrnuŭ polskaha sałdata. Sasłužyvica pačała akazvać jamu pieršuju dapamohu, ale mihranty atakavali i jaje. Sitak byŭ špitalizavany, ale, niahledziačy na namahańni daktaroŭ, vyratavać jaho nie ŭdałosia. Momant śmiarotnaha ranieńnia trapiŭ na videa kamier nazirańnia, što dazvoliła stvaryć partret zabojcy i identyfikavać jaho z dapamohaj inšych mihrantaŭ.
Ciapier čytajuć
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu4848
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu48
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3636
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było36
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1414
Kamientary