Adnak da pamieru ŭ $500 jašče daloka.
U Biełarusi z 1 vieraśnia 2010 padvyšanyja taryfnyja akłady asobnym katehoryjam rabotnikaŭ biudžetnych arhanizacyj, paviedamili ahienctvu «Interfaks-Zachad» u aparacie Savieta ministraŭ.
Pavodle pastanovy ŭrada №1267, staŭki piedahahičnych rabotnikaŭ biudžetnych arhanizacyj (za vyklučeńniem prafiesarska-vykładčyckaha składu vyšejšych navučalnych ustanovaŭ i ŭstanovaŭ adukacyi, jakija zabiaśpiečvajuć pavyšeńnie kvalifikacyi i pierapadrychtoŭku kadraŭ, a taksama taryfnyja akłady daktaroŭ padvyšanyja na 25%.
Na 15% pavyšajucca akłady rabotnikaŭ ustanovaŭ sacyjalnaha absłuhoŭvańnia i rabotnikaŭ kulturna-aśvietnickich ustanovaŭ.
Staŭki maładych śpiecyjalistaŭ, jakija atrymali vyšejšuju i siaredniuju śpiecyjalnuju adukacyju, nakiravanych na pracu pa raźmierkavańni ŭ biudžetnyja arhanizacyi, z 1 vieraśnia pavialičanyja na 10%.
Pastanovaj taksama ŭstalavanyja karektavalnyja kaeficyjenty da raźličanych pa adzinaj taryfnaj sietcy rabotnikaŭ Biełarusi taryfnych stavak rabotnikaŭ biudžetnych arhanizacyj, jakija taryfikujucca 1-27 razradami, u pamiery 2,862-0,978.
Pra mahčymaje pavyšeńnie z 1 vieraśnia zarobkaŭ nizkaapłatnych katehoryj rabotnikaŭ biudžetnych arhanizacyj zajaŭlaŭ premjer-ministr Biełarusi Siarhiej Sidorski ŭ kancy žniŭnia padčas sustrečy z prafsajuznym aktyvam, a taksama na naradzie ŭ prezidenta pa sacyjalna-ekanamičnym raźvićci Biełarusi ŭ hetym hodzie i napramkach rostu ekanomiki ŭ 2011—2015.
Na naradzie ŭ prezidenta S. Sidorski taksama prapanavaŭ pavialičyć z 1 listapada taryfnuju staŭku I razradu z Br90 tys. da Br180 tys. dla pavyšeńnia zarobkaŭ usim astatnim katehoryjam biudžetnikaŭ.
Jak paviedamlałasia, prezident Biełarusi patrabuje ad urada dasiahnuć da kanca hoda siaredniaj zarabotnaj płaty ŭ biudžetnaj śfiery ŭ pamiery $410 u ekvivalencie, u narodnaj haspadarcy - $500. Ciapier siaredniaja zarpłata biudžetnikaŭ składaje kala $200 u ekvivalencie.
U suviazi z płanami pavyšeńnia zarpłaty ŭrad prapanoŭvaje prezidentu pahadzicca z padvajeńniem deficytu biudžetu ŭ hetym hodzie - da 3% VUP z 1,5% VUP, praduhledžanych zakonam ab biudžecie. Pa acency ŭrada, dla zabiaśpiečańnia zapłanavanaha padvyšeńnia zarpłaty ŭ biudžetnaj śfiery dadatkova spatrebicca Br6,6 trłn, što składaje 17,3% vydatkaŭ respublikanskaha biudžetu, praduhledžanych zakonam ab biudžecie.
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary