Alaksandr Łukašenka nie ličyć, što rasijskaje kiraŭnictva da hetaha času maje płany pa ŭklučeńniu Biełarusi ŭ skład Rasii. Takuju dumku jon vykazaŭ siońnia ŭ intervju francuzskaj haziecie «Fiharo»,paviedamlaje karespandent BIEŁTA.
«Toje, što rasijskaje kiraŭnictva chacieła b uklučyć u skład Rasii Biełaruś, napeŭna, vy ab hetym dobra viedajecie, vy heta čuli. Ale ja nie dumaju, što rasijskaje kiraŭnictva da hetaha času voś tak tupa prytrymlivajecca hetych met», — skazaŭ jon žurnalistu francuzskaha vydańnia.
Alaksandr Łukašenka padkreśliŭ, što adnosiny ŭ Biełarusi i Rasii «jak byli, tak i zastalisia». «Nijakaha rezkaha paharšeńnia adnosin niama, tamu što heta nie patrebna ni Rasii, ni nam», — adznačyŭ kiraŭnik dziaržavy. Pry hetym jon dadaŭ, što ŭ Rasii jość u Biełarusi vajenna-palityčnyja, stratehičnyja intaresy.
«Ale Rasija dapuskaje tyja ž pamyłki, što i Jeŭrapiejski Sajuz. Treba ŭličvać realii. Treba ŭličvać, što jość dziaržava i narod, biełaruskaja dziaržava i biełaruski narod. I dla luboha Prezidenta, chto b tut ni byŭ, heta śviatoje — abaraniać hetyja intaresy», — padkreśliŭ jon.
«Usia składanaść u tym, što my znachodzimsia pamiž hetymi vialikimi dvuma monstrami: Jeŭrapiejskim sajuzam i Rasijaj. I ŭ kožnaha jość svaje intaresy na terytoryi Biełarusi, — skazaŭ biełaruski lidar. — My zhodnyja z tym, što i ŭ vas, i ŭ Rasii jość svaje intaresy na našaj ziamli. Ale my tolki zaŭsiody prosim i patrabujem ad našych partnioraŭ, kab jany ŭličvali i našy intaresy, našaha biełaruskaha naroda, i razumieli, što tut žyvie narod i isnuje dziaržava».
Što ž datyčycca pryčyn taho, što sustreča prezidenta Biełarusi ź ministram zamiežnych spraŭ Rasii Siarhiejem Łaŭrovym u čas jaho znachodžańnia ŭ Minsku nie adbyłasia, to Alaksandr Łukašenka adznačyŭ, što «my i nie płanavali hetu sustreču».
Ciapier čytajuć
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu6060
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu60
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1414
Kamientary