Łaŭreaty premii, zasnavanaj eks-prezidentam SSSR Michaiłam Harbačovym, abvieščanyja ŭ čaćvier u Maskvie.
U lik łaŭreataŭ ŭvajšli lider hurta U2 Bona, adzin z vynachodnikaŭ internetu Cim Bierniers-Li, adzin z zasnavalnikaŭ pošukavika Google Siarhiej Bryn.
Cyrymonija abviaščeńnia łaŭreataŭ prajšła ŭ rezidencyi ambasadara Vialikabrytanii ŭ Maskvie. Uručeńnie ŭznaharody adbudziecca 30 sakavika ŭ łondanskim karaleŭskim Albiert-chole ŭ ramkach vialikaha dabračynnaha kancerta, pryśviečanaha 80-hodździu Harbačova.
Usiaho ž ŭznaharodu, jakuju ŭžo achryścili «Premijaj Harbačova», atrymajuć dzieviać čałaviek z šaści krain śvietu.
U naminacyi «Pierabudova» akramia vučonaha ź Vialikabrytanii Bierniersa-Li adznačany taksama Marcin Kupier, jaki ŭ 1973 hodzie zrabiŭ pieršy zvanok pa mabilnym telefonie. Premiju ŭ hetaj naminacyi atrymaje taksama aŭtar ekanamičnaha cudu Brazilii Łuis Inasiu Łuła da Siłva.
Za unikalny ŭkład u raźvićcio kultury i miedyjaprastory u naminacyi «Hałosnaść» premija prysudžanaja zasnavalniku telekanała CNN Tiedu Ciornieru, kinarežysioru Styvienu Śpiłbierhu i irłandskamu muzykantu Bona, jaki bolš za 20 hadoŭ zmahajecca za vyratavańnie afrykanskaha kantynienta ad halečy i chvarob.
Premiju ŭ naminacyi «Paskareńnie» atrymajuć Bryn, niamiecki fiłosaf Jurhien Chabiermas -- aŭtar takich paniaćciaŭ, jak «publičnaść», «hramadskaść», «kamunikatyŭny rozum», a taksama inžynier z Kienii Evans Vadonha, jaki ŭ 2004 hodzie va ŭzroście 18 hadoŭ stvaryŭ krynicu enierhii dla samych biednych rajonaŭ svajoj krainy.
Pradstaŭlajučy łaŭreataŭ, Harbačoŭ zajaviŭ, što abrać tolki dzieviać čałaviek było składanaj zadačaj.
«Maje vinšavańni ŭsim naminantam, -- skazaŭ jon. -- Čakaju sustreču ź pieramožcami 30 sakavika ŭ karaleŭskim Albiert-chole na hała-kancercie i cyrymonii ŭručeńnia premii".
-
Pamiatajecie historyju amierykanki, jakuju trymali ŭ komie paśla śmierci, kab nie spyniać ciažarnaść? Prajšoŭ hod: što ciapier ź dziciem
-
Prezident Balivii Radryha Pas abviaściŭ u krainie nadzvyčajnaje stanovišča
-
U Polščy hramadzianinu Hruzii vystaŭlenyja abvinavačańni ŭ zabojstvie mastaka Siamiona Skrapieckaha
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?5
Kamientary