Pa Minsku puściać aŭtobus z vyjavaj Stalina
Biełaruskaja stalica «dałučajecca» da rasijskaj akcyi.
Aŭtobusy z vyjavaj Iosifa Stalina płanujecca zapuścić da Dnia Pieramohi ŭ 40 haradach krain SND, paviedamiŭ u svaim błohu ŭ čaćvier aŭtar prajekta «Aŭtobus Pieramohi» Viktar Łohinaŭ.
«Zaraz da akcyi dałučyłasia kala 40 haradoŭ, i jana ŭžo pabiła ŭsie rekordy papiarednich hadoŭ. Hetym razam u akcyi voźmie ŭdzieł bolš haradoŭ, čym va ŭsich papiarednich akcyjach razam uziatych», — napisaŭ jon.
V.Łohinaŭ paviedamiŭ, što aktyvisty ź Minska vykazali svajo žadańnie taksama zapuścić pa vulicach biełaruskaj stalicy aŭtobus z vyjavaj
«Finalnym akordam i radasnaj dla ŭsich nas navinoj stała dałučeńnie da akcyihorada-hieroja Minska, stalicy Biełarusi», — paviedamiŭ V.Łohinaŭ.
Jak paviedamlaje aktyvist, akcyja padychodzić da zaviaršalnaj stadyi padrychtoŭki: zbor hrošaj budzie zavieršany praz paŭtara tydni, a zajaŭki ad aktyvistaŭ z roznych haradoŭ pierastanuć prymacca 20 krasavika.
Raniej paviedamlałasia, što «stalinobusy» aktyvisty płanujuć zapuścić i ŭ stalicach Estonii i Łatvii. Praŭda, ułady Talina paabiacali nie dapuścić źjaŭleńnia ŭ horadzie aŭtobusaŭ z partretam Stalina.
Pieršy aŭtobus z partretam Stalina vyjšaŭ u rejs viasnoj 2010 hoda ŭ Pieciarburhu.
Sioleta na maršrut aŭtobus pavinien sinchronna vyjści 6 maja.
* * *
Zvaroty ŭ Minharvykankam možna padać tut.
Ciapier čytajuć
Ź Ministerstva kultury zvolnili pieršaha namieśnika Markava5
Kamientary