Śledčy kamitet Rasii pradjaviŭ viadomamu dziejaču apazicyi Alaksieju Navalnamu abvinavačvańnie «pa spravie «Kiraŭlesa». Z Navalnaha ŭziali padpisku ab niavyjeździe.
Navalnamu pradjaŭlena abvinavačvańnie pa č.3 art. 33, č.4 art. 160 KK (arhanizacyja prysvajeńnia čužoj majomaści ŭ asabliva bujnym pamiery).
5 lipienia kryminalnuju spravu ŭ dačynieńni da byłoha daradcy hubiernatara Kiraŭskaj vobłaści apazicyjaniera Alaksieja Navalnaha pieradali dla rasśledavańnia ŭ hałoŭnaje śledčaje ŭpraŭleńnie SK. Heta adbyłosia paśla taho, jak na viedamasnaj kalehii ŭ Pieciarburhu kiraŭnik SK Alaksandr Bastrykin zapatrabavaŭ ad kiravańnia viedamstva pa Kiraŭskaj vobłaści tłumačeńniaŭ z nahody zakryćcia kryminalnaj spravy suprać Navalnaha.
Ab zaviadzieńni spravy stała viadoma ŭ mai 2011 hoda. Śledstva zacikaviła dziejnaść Navalnaha ŭ Kiraŭskaj vobłaści, dzie ŭ svoj čas jon byŭ daradcam hubiernatara na hramadskich pačatkach. Jak adznačała śledstva, błohier pierakanaŭ kiraŭnictva HUP «Kiraŭles» padpisać niavyhadnuju damovu na realizacyju lesapradukcyi.
Kamientary