Беларусь зноў блакуе пастаўкі ўкраінскай харчовай прадукцыі — уведзена абавязковая дзяржаўная санітарна-гігіенічная экспэртыза.
Беларусь з 27 жніўня ўвяла абавязковую дзяржаўную санітарна-гігіенічную экспэртызу ўкраінскай прадукцыі, што паралізавала яе экспарт, гаворыцца ў прэс-рэлізе карпарацыі «Абалонь».
«Гэтая пастанова фактычна паралізавала экспарт айчынных тавараў у Беларусь і пацягнула значныя страты для ўкраінскіх кампаній», — адзначае прэс-служба.
Паводле звестак кампаніі, невядомай застаецца працэдура атрымання сертыфікату, паколькі не вызначаныя лабараторыі, якія павінны яго выдаваць, адсутнічаюць таксама звесткі паводле паказчыкаў бяспекі прадуктаў, піша «Інтэрфакс-Украіна».
«Гэты метад нетарыфнага рэгулявання ўжо выклікаў фінансавыя і матэрыяльныя страты ўкраінскіх вытворцаў у выніку прыпынку экспарту», — каментуюць у кампаніі.
Са слоў дырэктаркі замежнаэканамічных пытанняў «Абалонь» Алы Каламіец, рызыкі, звязаныя з дзеяннямі рэгулятара на беларускім рынку, узнікаюць не ўпершыню. Пачынаючы з 2010 года гэта ўжо трэцяя спроба абмежаваць імпарт украінскага піва ў Беларусь адміністрацыйнымі метадамі. У папярэдніх выпадках бізнэс прыцягваў да развязання пытання профільныя міністэрствы.
Карпарацыя звярнуліся ў Мінэканамразвіцця, Мінаграпрад і МЗС з просьбай неадкладна далучыцца да развязання праблемы.
Каментары