17 чэрвеня іранскім інтэрнаўтам зноў удалося прарваць фаервол і данесці да свету кадры з падзеяў у Тэгеране.
Частка футбалістаў зборнай Ірану па футболе надзелі зялёныя напульснікі і ніжнія майкі на матч са зборнай Паўднёвай Карэі. Такім чынам яны выказваюць салідарнасць з пратэстоўцамі, што дамагаюцца змянення рэжыму ў краіне.
За 16 чэрвеня не з'явілася ніводнага фота і відэа з Ірану - толькі афіцыйныя, з мітынгу падтрымкі Ахмадзінэджада. Замежным журналістам пад карай забаронена працаваць за межамі гатэльных пакояў і офісаў. У краіне заблакаваныя Гугл Ток і Ягу, глушыцца мабільная сувязь і адключаны сэрвіс смс-паведамленняў. Перабітая і праца блогаў, якім было ўдалося прарваць блакаду ў панядзелак і выставіць фатаздымкі з шматсоттысычнага шэсця прыхільнікаў пераменаў у Тэгеране.
Аднак 17 чэрвеня іранскім інтэрнаўтам зноў удалося прарваць фаервол і данесці да свету кадры з падзеяў у Тэгеране. Відэазапісы з'явіліся ў Твітэры.
У сутычках маніфестантаў з басіджамі - аналаг нашага САХРу - у панядзелак загінулі прынамсі 8 чалавек. Гэта здарылася, калі моладзь атакавала райаддзел гэтай сілавой структуры, а спецназаўцы адкрылі з вакон па іх агонь. Звесткі пра смерць яшчэ пяці студэнтаў у часе начнога штурму універсітэцкага мястэчка пакуль не пацверджаныя гарадскімі ўладамі.
Улады называюць падзеі беспарадкамі і заяўляюць, што за імі стаяць ЗША і Канада. Завадатарам пагражаюць смяротным пакараннем. Арыштавана не менш за 150 чалавек, у тым ліку былы віцэ-прэзідэнт краіны, брат экс-прэзідэнта Хатамі, рэдактар газеты бізнэс-колаў, а таксама відны юрыст з праваабарончага цэнтру, заснаванага лаўрэаткай Нобелеўскай прэміі міру Шырын Эбадзі.
Мусаві заклікаў грамадзянаў да працягу мірных дэманстрацый і малітваў у мячэтах.
У благасферы і Твітэры множацца флэш-мобы салідарнасці з іранскім рухам за свабоду. Блогеры мяняюць аватары на зялёныя, а час - на іранскі. У сераду карыстальнікі Твітэру выявілі таксама, што на распаўсюджаным афіцыйным іранскім агенцтвам фота з мітынгу ў падтрымку Ахмадзінеджада з дапамогай фаташопу была павялічана колькасць галоваў, каб тлум здаваўся гусцейшым. Смех, дый годзе.
Блогер Сярога з Расіі прыехаў на Зыбіцкую з каханай блогеркай Анечкай. Вынік: збіты ім беларус у коме, а Сярога на 5,5 года за кратамі10
Каментары