Байдэн: Палесціна і Ізраіль павінны існаваць мірна ў якасці дзвюх незалежных краін
На думку прэзідэнта ЗША Джо Байдэна, вырашэнне канфлікту паміж Ізраілем і Палесцінай павінна быць мірным і ўключаць у сябе пункт аб годным суіснаванні дзвюх незалежных дзяржаў ізраільцян і палесцінцаў.
Прэзідэнт ЗША Джо Байдэн падчас сумеснай прэс-канферэнцыі з прэм'ер-міністрам Аўстраліі Энтані Албанізам заявіў, што ізраільцяне і палесцінцы павінны бяспечна адны для адных існаваць у дзвюх незалежных дзяржавах, перадае агенцтва Reuters.
Гэта, на думку Байдэна, павінна адбыцца пасля мірнага вырашэння крызісу ў Ізраілі.
«Крызіс паміж Ізраілем і Палесцінай павінен ісці па шляху міра, уключаючы ў сябе пункт аб суіснаванні дзвюх незалежных дзяржаў ізраільцян і палесцінцаў, а таксама супрацоўніцтва Ізраіля са сваімі арабскімі суседзямі», — сказаў Байдэн падчас прэс-канферэнцыі.
Разам з гэтым прэзідэнт ЗША раскрытыкаваў паводзіны ізраільскіх пасяленцаў на Заходнім беразе ракі Іярдан, дзе пераважна пражываюць палесцінцы.
«Я па-ранейшаму ўстрывожаны тым, што некаторыя ізраільскія пасяленцы паводзяць сябе па-экстрэмісцку, нападаючы на палесцінцаў на Заходнім беразе. Палесцінцы і ізраільцяне ў роўнай ступені заслугоўваюць таго, каб жыць сумесна ў бяспецы, годнасці і міры», — адзначыў Байдэн.
Ён таксама выказаў упэўненасць, што ХАМАС атакаваў Ізраіль з мэтай сарваць нармалізацыю адносін паміж Ізраілем і Саудаўскай Аравіяй, якая б аслабіла пазіцыі Ірана ў рэгіёне.
Цяпер чытаюць
Міліцыя затрымала таго самага расійскага турыста, які кінуў недакурак на вуліцы. Заўтра суд28
Каментары
павінен ісці па шляху міра, уключаючы ў сябе пункт аб суіснаванні дзвюх незалежных дзяржаў.....
Палесцінцы і ізраільцяне ў роўнай ступені заслугоўваюць таго, каб.....
Ваау!спасибо Джо, блестящая и оригинальная идея.Уверен,стоит всего лишь попробовать и все получится.
П С Помню коллега Зеленский тоже предлагал:-"Просто перестать стрелять". То ли его нахер послали то ли что...