Узброеныя сілы Літвы і Польшчы 21 красавіка пачалі сумесныя тактычныя вучэнні «Адважны грыфон» у раёне Сувалкскага калідору. У гэтых вучэннях таксама прымуць удзел саюзнікі з ЗША і Партугаліі, піша LRT.
Па паведамленні вайсковай прэс-службы, падчас вучэнняў 1,5 тыс. вайскоўцаў пяхотнай брыгады «Жэмайція» ім. Вялікага гетмана Літоўскага Яна Хадкевіча сумесна з саюзнікамі апрабуюць абарончыя сцэнары ў так званым Сувалкскім калідоры ў адпаведнасці з двухбаковым літоўска-польскім «Аршанскім планам».
Гэты план у 2022 годзе падрыхтавалі камандуючыя літоўскай і польскай арміямі, большая яго частка засакрэчана.
Сувалкскі калідор — гэта памежны ўчастак паміж Літвой і Польшчай, які з захаду мяжуе з Калінінградскай вобласцю, а з усходу — з Беларуссю.
Вучэнні працягнуцца да 26 красавіка.
Адначасова ў Літве працягваюцца вучэнні «Удар мяча», арганізаваныя Узброенымі сіламі ЗША.
Цяпер чытаюць
Каб не сядзець у Расіі за наркотыкі, малады даносчык з Ашмянаў запісаўся на фронт. Дый згінуў8
Каментары
большая частка «Аршанскага плана» засакрэчана. Спадзяюся там нічога няма пра жаданне летувісаў захапіць нашу Оршу.
Хаця хто іх ведае, з іх летувісізмам, што ў іх у галаве.
Скажыце ім там, што калі хто і будзе нападаць, дык гэта расейскія ДРГ. І няхай ужо адчэпяцца ад нацыянальна-арыентаваных беларусаў, якія супраць расейскай імперыі.