МЗС Польшчы: Мы спадзяёмся, што ў наступнай групе вызваленых палітзняволеных будзе Анджэй Пачобут
Прэс-сакратар МЗС Польшчы Павел Вроньскі выказаўся пра вызваленне палітвязняў у Беларусі.
Прэс-сакратар МЗС Польшчы Павел Вроньскі пракаментаваў вызваленне ў Беларусі 52 палітвязняў.
Ёе адзначыў, што над вызваленнем людзей працавала і польская дыпламатыя.
«Сярод 52 вызваленых вязняў ёсць трое грамадзян Польшчы і восем грамадзян Беларусі, якія з'яўляліся журналістамі, супрацоўнікамі тэлебачання «Белсат» і іншых польскіх медыя. Іх вызвалення дамагалася польская дыпламатыя», — заявіў Вроньскі.
Ён выказаў надзею, што ў наступнай групе вызваленых палітвязняў будзе Анджэй Пачобут.
«Мы спадзяёмся, што ў наступнай групе, якая будзе вызвалена з беларускіх турмаў, будзе таксама Анджэй Пачобут, які нязменна застаецца на першым месцы ў нашых чаканнях», — сказаў Вроньскі.
Сёння былі вызваленыя грамадзяне Польшчы Кшыштаф Заневіч і Томаш Езутак, а таксама журналісты тэлеканала «Белсат» Ірына Слаўнікава, Павел Мажэйка, Ларыса Шчыракова, Яўген Меркіс, Павел Падабед, Вячаслаў Лазараў і Алена Цімашчук.
Цяпер чытаюць
«А што адбываецца?» Чэргі на беларуска-расійскай мяжы цяпер не толькі на асноўным пераходзе, а нават на глухой дарозе4
«А што адбываецца?» Чэргі на беларуска-расійскай мяжы цяпер не толькі на асноўным пераходзе, а нават на глухой дарозе
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю5252
Каментары