Дажыліся: пагалоўе свіней у Пскоўскай вобласці ў 6 разоў большае, чым у Віцебскай
Часы, калі беларусы маглі ганарыцца, што ў нашых вёсках заможней жыць і больш ладу, чым у Расіі, даўно ў мінулым.
Некалі расійскае Нечарназем'е было сінонімам занядбання. А Пскоўская вобласць — гэта адзін з самых праблемных, абязлюдзелых рэгіёнаў Расіі. Аднак цяпер сітуацыя ў беларускай вёсцы яшчэ горшая.
Выданне «Віцебск, я гуляю» заўважыла, што на кастрычнік Віцебская вобласць зафіксавала найбуйнейшае за апошнія гады падзенне пагалоўя свіней. Белстат піша, што яно скарацілася да 271 тысячы галоў, што на 59 тысяч менш, чым месяцам раней. У цэлым з пачатку года рэгіён страціў амаль траціну ўсяго пагалоўя — каля 120 тысяч свіней.
А вось па другі бок мяжы — супрацьлеглая дынаміка. У Пскоўскай вобласці, паводле звестак Пскоўстата, колькасць свіней дасягнула 1,64 млн галоў, павялічыўшыся на 2,7% за год. Амаль усё пагалоўе сканцэнтравана ў вялізных комплексах — «ВСК», «ПскоўАграІнвест» і «Ідаванг».
Насельніцтва рэгіёна, з якога пачалася кар'ера Наталлі Качанавай і Аляксандра Косінца, скарацілася з 1,44 мільёна чалавек па стане на 1995 год да 1,07 мільёна на пачатак 2025 года.
Насельніцтва Пскоўскай вобласці складае 574 тысячы чалавек.
Цяпер чытаюць
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам15
Каментары
26 млн супраць 2.2.