Дырэктарам Тэатра лялек з 2024 года была Таццяна Тоўсцік, змяніўшы на пасадзе Дзмітрыя Сямёнава. Аднак інфармацыя пра яе знікла ў графе «Кіраўніцтва і творчы склад» на афіцыйным сайце. Зараз там значыцца толькі намеснік дырэктара Вячаслаў Лявоненка, піша Onliner.by.
У тэатры расказалі, што Таццяна Тоўсцік пакінула калектыў па ўласным жаданні.
— Яе сыход ніяк не звязаны з працай тэатра. Таццяна Анатольеўна вырашыла вярнуцца да выкладчыцкай дзейнасці ў Беларускай дзяржаўнай акадэміі мастацтваў (раней была старшым выкладчыкам на кафедры рэжысуры), — сказаў суразмоўца.
У апошнія гады спектаклі тэатра лялек сталі аднымі з самых запатрабаваных. Ля кас не раз збіраліся чэргі, а ў рэжыме онлайн квіткі раскупляюцца максімальна хутка. У адным з інтэрв'ю Таццяна Тоўсцік расказала, што некаторыя нават абвінавачвалі тэатр у штучным стварэнні ажыятажу.
«Але пры існуючай вядомасці Беларускага дзяржаўнага тэатра лялек нам гэта зусім не трэба. Мы выключылі анансаванне старту продажаў, і, як толькі афіша трапляла на сайт тэатра, пачыналіся продажы і ў касе, і праз сайт. Так выраўнялі магчымасці ўсіх бакоў», — расказвала экс-дырэктар.
-
«Я вам скажу — зусім не тое!» На 80‑годдзі ва Уроцлаве Някляеў параўнаў пацалункі Брэжнева і Ціханоўскай
-
У Вене за 776 тысяч еўра нахілілі помнік мэру. Яго антысемітызм натхняў Гітлера
-
У Пружанскім касцёле новы арган, які прывезлі з Нідэрландаў. Папярэдні касцельны арган пусцілі на дровы для Дома культуры
Каментары