Сёння адбыўся аўкцыён па продажы зямельных участкаў пад будаўніцтва прыватных дамоў у Лагойскім раёне. Зямля ў гэтых месцах заўсёды карыстаецца попытам, і таргі гэта пацвердзілі. Так, на зямельныя надзелы ў адной з вёсак прэтэндавалі па 20—30 чалавек, піша Realt.by.
На аўкцыён прапанавалі 14 участкаў у вёсках Беларуцкага, Гайненскага, Лагойскага, Астрашыцкага і Швабскага сельсаветаў.
Найбольшую цікавасць у Беларуцкім сельсавеце выклікаў пляц у вёсцы Сёмкава, на вуліцы Вясёлкавай, 15. На зямлю прэтэндавалі восем чалавек. У выніку 12 сотак пры пачатковай цане 16 тысяч рублёў былі прададзены за 68,5 тысячы рублёў (каля 25 тысяч даляраў).
У Лагойскім сельсавеце самым папулярным стаў участак у вёсцы Аўгустова, на вуліцы Калгаснай, 19Б. На зямельны надзел з магчымасцю падвядзення вады, электрычнасці і газу плошчай 12 сотак прэтэндавалі 6 чалавек. Зямлю ўдалося прадаць за 86,3 тысячы рублёў (31 тысячу даляраў) пры пачатковай цане 25 тысяч рублёў.
Ну а найбольшы ажыятаж выклікалі ўчасткі ў Астрашыцкім сельсавеце. Найбольшая колькасць заявак паступіла на 4 надзелы ў вёсцы Лабуншчына. На кожны з іх зарэгістравалася 27, 24, 33 і 29 чалавек.
Барацьба ішла за зямельныя пляцы па 10 сотак, забяспечаныя электрычнасцю, газам і водаправодам. Яны былі выстаўлены на аўкцыён па аднолькавай пачатковай цане — за 15 тысяч рублёў.
У выніку ўчастак на Каштанавай, 21 прададзены за 83,3 тысячы рублёў (30 тысяч даляраў), на Каштанавай, 23 — за 77 тысяч рублёў ($28 тысяч), на Навасельскай, 24 — за 85 тысяч рублёў ($31 тысячу), а на Навасельскай, 26 — за 91 тысячу рублёў ($33 тысячы). Апошні надзел стаў самым дарагім з прададзеных на сённяшніх таргах.
У Швабскім сельсавеце прапанавалі 3 участкі, але пакупнік знайшоўся толькі на адзін з іх. Зямельны надзел на вуліцы Лясной у вёсцы Чабатары быў прададзены пачатковай цаной, павялічанай на 5% — за 5250 рублёў (1920 даляраў).
У Гайненскім сельсавеце прадаваўся 1 участак, на які прэтэндаваў 1 чалавек. Ён набыў зямлю ў вёсцы Радовічы за 12 тысяч рублёў (4420 даляраў).
Па самай высокай пачатковай цане — за 280 000 рублёў — на аўкцыён выстаўляўся ўчастак плошчай 1,2 га ў вёсцы Алёкшыцы, прызначаны для вядзення асабістай падсобнай гаспадаркі. Аднак жадаючых купіць гэты надзел не знайшлося.
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі21
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4949
Каментары