Канапацкая асмялела: выгаворвае Лукашэнку за нерашучасць, заклікае абвесціць ваеннае становішча і правесці мабілізацыю
«Спачатку скамечана-баязлівыя выбачэнні незразумела перад кім, незразумела за што, потым паўтара сутак марынаду тэмы дрона па аўтобусе з нашымі дзецьмі, а цяпер маўчанка па рэтранслятарах (пагасілі/не пагасілі?» — паставіла яна Лукашэнку да пазорнага слупа.
Двухразовая спарынг-партнёрка Аляксандра Лукашэнкі на прэзідэнцкіх выбарах Ганна Канапацкая (цяпер па пашпарце Трухановіч) рэзка выказалася ў сацыяльных сетках наконт сітуацыі ў Беларусі і ў рэгіёне. Яна ні разу не назвала Лукашэнку па імені, але прысвяціла яму некалькі тэзісаў на мяжы дазволенага.
Канапацкая заявіла, што для Лукашэнкі 2030 электаральны год — «мяжа асцярожных мараў», і што «ўжо зараз адчуваецца штосьці не тое і неяк усё не зусім туды».
«Спачатку скамечана-баязлівыя выбачэнні незразумела перад кім, незразумела за што, потым паўтара сутак марынаду тэмы дрона па аўтобусе з нашымі дзецьмі, а цяпер маўчанка па рэтранслятарах (пагасілі/не пагасілі?). Уяўляю, якія прыніжэнні праліліся ў закрытцы. І надоўга паляцець у невядомым кірунку праз Маскву (ці мэтава — у Маскву)», — абурылася Канапацкая паводзінамі Лукашэнкі ў апошнія дні.
Яна заклікала «не займацца глупствам, з галавой у пяску і тырчачым на ўсю Усходнюю Еўропу ўкормленым страўсіным філеем», а «абвясціць частковае ваеннае становішча і адкрытую агульную мабілізацыю».
«Для пачатку ў дапамогу нашай 60‑тысячнай арміі прызваць 300 тысяч наяўнага мабілізацыйнага рэзерву ваеннаабавязаных, а пасля дадаць да іх яшчэ столькі ж, другім этапам, у тэрытарыяльную абарону ваеннапрыдатных, давёўшы колькасць «штыкоў у абароне» да 7—8% насельніцтва», — падлічыла Канапацкая.
«Дэфіцыт жалеза ў яйцах «старэйшага» сялянскае грамадства выяўляе і фіксуе вельмі хутка», — зноў намякнула яна на Лукашэнку і запэўніла што мабілізацыя пры экзістэнцыйнай пагрозе для народа і дзяржавы, зразумелая ўсім, спіша ўсё, як у часы Сталіна.
Цяпер чытаюць
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне14
Каментары