Колькасць загінулых у выніку моцнага землятрусу ў Венесуэле дасягнула 589 чалавек, яшчэ каля 2,9 тысячы атрымалі траўмы. Пра гэта паведаміла кіраўніца краіны Дэлсі Радрыгес.
Паводле слоў Радрыгес, найбольш пацярпеў штат Ла-Гуайра, дзе вайскоўцы ўзялі сітуацыю пад кантроль. Ратавальныя службы працягваюць пошук тых, хто мог застацца пад заваламі, а таксама забяспечваюць жыхароў харчаваннем і пітной вадой.
Раней Міністэрства аховы здароўя Венесуэлы паведамляла пра 235 загінулых, аднак пасля ўдакладненняў гэтая лічба значна павялічылася. Паводле афіцыйных звестак, больш за 50 тысяч чалавек лічацца зніклымі без вестак.
Землятрус адбыўся 24 чэрвеня. У краіне былі зафіксаваныя два магутныя падземныя штуршкі магнітудай 7,2 і 7,5, эпіцэнтры якіх знаходзіліся прыкладна за дзесяць кіламетраў адзін ад аднаго ў штаце Яракуй.
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне14
Каментары