У машыне быў кіраўнік Рыльскага раёна Курскай вобласці.

На міне ў цэнтры Рыльска (горад у Курскай вобласці) падарвалася машына з супрацоўнікамі адміністрацыі Рыльскага раёна.
Выбуховая прылада спрацавала дыстанцыйна, паведаміў губернатар Курскай вобласці Аляксандр Хінштэйн. У выніку паранены кіраўнік раёна Уладзімір Кавальчук: у яго мінна-выбуховая траўма, сляпыя асколачныя раненні ног.
За рулём аўтамабіля знаходзіўся дырэктар упраўлення гаспадарчага абслугоўвання Сяргей Бяседзін. У мужчыны непранікальнае раненне жывата, асколкамі пашкоджана сцягно.

На ганку падчас выбуху стаялі яшчэ два супрацоўнікі мясцовай адміністрацыі. Ад выбуховай хвалі атрымалі яны кантузію галаўнога мозга і сляпыя асколачныя раненні рук і ног.
Усіх павезлі ў бальніцы. Тэрыторыю выбуху ачапілі.
-
Дэпутата Еўрапарламента, які расследаваў злоўжыванні Pegasus, самога ўзламалі гэтай шпіёнскай праграмай
-
Расіянку, якая зрабіла ў бары «кальян на кулічы», усё ж не будуць адпраўляць у калонію
-
Ватыкан адлучыў ад царквы Брацтва святога Пія X. Раскольнікі маюць капліцу ў Мінску, дзе ўсё па-руску — што цяпер чакае гэтых вернікаў
Каментары