Padhoł: U kabielnych sietkach u Minsku 50 telekanałaŭ. Usie — pa-rusku. Nivodnaha telekanała na movach inšych krain! 

Pračytaŭ artykuł Cyhankova «Praduchilić «Minsknaš»: zamianić u škołach «ruskuju» litaraturu na «suśvietnuju».  Voś cytata ź jaho:

«Kali ŭłada maje choć niejki stratehičny instynkt samazachavańnia, jana pavinna pačynać nie z festyvalu vyšyvanak, a sa škoły. Usie, chto vystupaje za zachavańnie «rasiejskaj litaratury» zamiest «suśvietnaj litaratury» — vystupajuć za zachavańnie Biełarusi ŭ jakaści kulturnaj pravincyi, kulturnaj častki Rasiei. Pakul u biełaruskich škołach rasiejskaja litaratura zajmaje 85 pracentaŭ, a ŭsia suśvietnaja — astatnija 15, vidavočna, što ciapierašniaja ŭłada haduje, farmuje «ruskich sa znakam jakaści». Zamiena ŭ škołach «rasiejskaj» litaratury na «suśvietnuju» stała b pieršym realnym znakam taho, što ŭłady Biełarusi sapraŭdy zacikaŭlenyja ŭ farmavańni nie-rasiejskaj śviadomaści ŭ svaich hramadzianach». 

Ujaviŭ, jak budzie mianiacca śviadomaść dzietak ad zamieny ŭ škołach ruskaj litaratury na suśvietnuju, i ŭbačyŭ šlach evalucyi navat nie ad dynazaŭraŭ da sučasnaha čałavieka, a značna bolej — da kanca śvietu. 

Pieršapryčyna panavańnia ruskaha śvietu ŭ nas i, adpaviedna, pieršakrok pa vyślizhvańni ź jahonych abdymkaŭ, na moj pohlad, u inšym.

U Biełarusi ŭ kožnaj chacie jość televizar. Jon hučyć amal bieśpierapynna. Jak koliś hučała radyjo. I dzietki jašče ŭ žyvacie maci słuchajuć ruskuju movu. Adpaviedna, paśla naradžeńnia taksama kožny dzień bieśpierapynna. 

Dyk voś, u Minsku ŭ mianie ŭ kvateru ŭvachodzić telekabiel, dzie zaviedziena zvyš za 50 (!!!) telekanałaŭ, jakija hučać pa-rusku. Nivodnaha telekanała na movach susiednich krain! Nivodnaha!!! Čamu ja staŭlu pa try kličniki? Tamu što telekabiel z 50 telekanałami zasiłkavała arhanizacyja ad Minharvykankama.

Vykanaŭčaja ŭłada Minska tryvała trymaje śviadomaść žycharoŭ stalicy Biełarusi ŭ hatoŭnaści da zachopu pradstaŭnikami «russkoho mira». Nu, chacia b pa adnym telekanale zrabili b anhłamoŭnym, polskamoŭnym, litoŭska-, łatyšska- i ŭkrainskamoŭnym. Na movie susiedziaŭ. Dy jašče pa-niamiecku — adzin telekanał. Dziesiać ź piacidziesiaci — heta ništo. Ale baćki mieli b vybar. Prynios sa škoły dzicia drennuju adznaku pa anhielskaj, a jamu zamiest bizuna pa s*acy — prahlad telekanała z mulcikami pa-anhielsku dy ź pierakładam pa-biełarusku.

I voś ujavicie, što ŭsie telekanały ad Minharvykankama majuć tolki movy narodaŭ śvietu. I niekalki — pa-biełarusku. Hud baj, «russkij mir», vitajem, narody śvietu i biełaruskaja samaśviadomaść.

• 0
• 0
• 0
• 0
• 0
• 0
• 0
• 0