Litva pieršaja ŭ Jeŭrasajuzie zabaraniła ŭjezd na svaju terytoryju asobam, źviazanym z asudžeńniem ŭkrainskaj lotčycy Nadziei Saŭčanka.
Akramia «śpisu Saŭčanka», nieŭjaznymi abvieščanyja asoby, źviazanyja z asudžeńniem ukraincaŭ Aleha Siancova i Alaksandra Kolčanki.
«Kankretna havorka idzie ab rasijskich sudździach, prakurorach, jakija naŭprost udzielničali ŭ spravie hetych ludziej. Na dadzieny momant vydzielenyja 46 čałaviek, jakim zabaronieny ŭjezd na terytoryju Litvy», — skazaŭ BNS 12 krasavika Linkiavičus, udakładniŭšy, što śpis dapaŭniajecca. U śpis uvajšli ludzi, jakija ŭdzielničali va raspačaćci kryminalnych spraŭ suprać Saŭčanki, režysiora Siancova i pravaabaroncy Kolčanki.
«My nie pryznajem hetyja spravy, jakija z našaha punktu hledžańnia źjaŭlajucca falsifikavanymi, i hetyja asoby, jakija naŭprost źviazanyja — sudździ, prakurory, niekatoryja inšyja dziejačy z hetych samazvanych respublik — Danieckaj i Łuhanskaj — jany patrapili ŭ hety śpis», — skazaŭ Elta pa telefonie Linkiavičus.
***
Litva — pieršaja kraina ES, jakaja skłała taki śpis. Pa słovach ministra, spadziajucca, što krok Vilni zaachvocić inšyja krainy i ES trymacca jaje prykładu. Litva i jašče 4 krainy ES pradstavili hetuju ideju viarchoŭnamu pradstaŭniku Jeŭrapiejskaha sajuza pa zamiežnych spravach i palitycy biaśpieki Fiederyka Mahieryni.
«Naša meta — ahulnyja dziejańni Šenhienskaj zony», — skazaŭ Linkiavičus. Jon prapanoŭvaŭ Mahieryni abviaścić taki śpis u maštabie ŭsiaho ES, adnak pakul hetuju inicyjatyvu nie padtrymali. Adnak Linkiavičus skazaŭ, što hetaje rašeńnie mohuć abmiarkoŭvać i paźniej, pakolki situacyju Saŭčanka pastajanna abmiarkoŭvajuć jeŭrapiejskija dypłamaty.
«Saŭčanka — aktualnaje pytańnie, asabliva, kali pahoršyŭsia jaje stan zdaroŭja», - skazaŭ ministr. Pavodle jaho słoŭ, z asudžeńniem Siancova i Kolčanki situacyi anałahičnyja situacyi Saŭčanka.
Ciapier čytajuć
Achviary intehracyi. Rasija biaspłatnymi pucioŭkami i praz Rassupracoŭnictva zavablivaje biełaruskich dziaciej3
Kamientary