Kiraŭnik Akademii navuk Michaił Miaśnikovič skazaŭ, što Kukšynaŭskaja placoŭka lepš za ŭsio adpaviadaje patrabavańniam.
Kamisija pa vybary AES zaviaršyła razhlad i analiz rezultataŭ hidrałahičnych, hieałahičnych, siejsmałahičnych i inšych daśledavańniaŭ patencyjalnych placovak. Materyjał nakiravany ŭ Saviet Ministraŭ Biełarusi.
Pa vynikach raboty kamisija pryjšła da vysnovy, što Kukšynaŭskaja placoŭka, što Škłoŭskim rajonie, lepš za ŭsio adpaviadaje patrabavańniam pa budaŭnictvu AES.
«Na pieršaje miesca kamisija pastaviła Kukšynaŭskuju placoŭku, na druhoje — Astravieckuju, a na treciaje — Krasnapalanskuju» (Čavuski rajon), — raskazaŭ Michaił Miaśnikovič.
Pavodle jaho słoŭ, nijakich zabaranialnych faktaraŭ dla budaŭnictva na Kukšynaŭskaj placoŭcy biełaruskaj AES nie isnuje.
«Jość peŭnyja abmiežavańni dla budaŭnictva, adnak jany vyrašajucca praviadzieńniem inžyniernych rabot», — dadaŭ jon.
Kamientary