Ź viełasipiedysta, jaki napaŭ ź bitaj na piešachoda, patrabujuć 25 tysiač dalaraŭ maralnaj kampiensacyi
Baćka niepaŭnahadovaha fatohrafa, paciarpiełaha ad viełasipiedysta ź bitaj, zajaviŭ 50 tysiač rubloŭ (krychu bolš za 25 tysiač dalaraŭ) maralnaj škody. Pamier materyjalnaj kampiensacyi jašče nie ahučany.
Nahadajem, u sudzie Frunzienskaha rajona Minska razhladajuć kryminalnuju spravu ŭ dačynieńni da viełasipiedysta Anatola Hrynkieviča, jaki ŭdaryŭ 19 červienia bitaj piešachoda pa hałavie. Jaho abvinavačvajuć pa č. 3 art. 339 KK (asabliva złosnaje chulihanstva). Maksimalnaje pakarańnie pa dadzienym artykule — da 10 hadoŭ pazbaŭleńnia voli.
Siońnia dapytali abvinavačanaha, paciarpiełaha i jaho baćku. Taksama ŭ sudzie vystupili śviedki.
Baćka niepaŭnahadovaha paciarpiełaha zajaviŭ maralnuju škodu ŭ 50 tysiač rubloŭ (krychu bolš za 25 tysiač dalaraŭ). Pamier materyjalnaj kampiensacyi jašče nie ahučany.
— Moža, suma šakuje, ale žonka da hetaha času chvalujecca. U Vasila i ciapier hałavakružeńnie, zvon u vušach, — rastłumačyŭ Alaksandr Dziemidovič, baćka paciarpiełaha fatohrafa.
U sudzie vyśvietliłasia, što maci abvinavačanaha paśla taho, što adbyłosia prapanoŭvała siamji paciarpiełaha ŭ pieravodzie kala 300 dalaraŭ. Ad hetych hrošaj jany admovilisia. Da pasiadžeńnia 7 vieraśnia havorka išła ŭžo pra 1000 dołaraŭ. I znoŭ - admova.
— Usio tolki praz sud, — jak adrezaŭ baćka paciarpiełaha, patłumačyŭšy, što ličyć hetuju sumu niedastatkovaj.
Anatol Hrynkievič adznačaje, što maralnuju škodu Vasilu Dziemidoviču nanios, ale sumu zajaŭlenaj maralnaj kampiensacyi ličyć zavyšanaj.
— U hałavu ja nie celiŭ, heta adbyłosia vypadkova. Chłopca sprabavaŭ abjechać, ale zrabić heta pa zialonaj zonie nie moh, tamu što adnojčy tak užo rabiŭ i ŭpaŭ. Ja raźličvaŭ na adekvatnuju acenku situacyi z boku paciarpiełaha i što my prosta razyjdziemsia, — skazaŭ abvinavačany.
Ciapier čytajuć
Achviary intehracyi. Rasija biaspłatnymi pucioŭkami i praz Rassupracoŭnictva zavablivaje biełaruskich dziaciej3
Kamientary