Apublikavana VIDEA ź finalnaj viersijaj biełaruskaj broniemašyny «Kajman»
Biełaruskaje ahienctva BiełTA apublikavała na svaim kanale YouTube ekskluziŭny rolik z vyprabavańniem biełaruskaj broniemašyny MBTS, jakaja bolš viadomaja jak «Kajman». Zadača stvareńnia dadzienaj madeli była pastaŭlena Łukašenkam try hady tamu. Letaś byŭ stvorany dośledny ŭzor madeli, siońnia krynicy paviedamlajuć pra piać pabudavanych «Kajmanaŭ».
Stvarałasia mašyna ŭ AAT «140-y ramontny zavod» u Barysavie. Madel biez pałomak i surjoznych zaŭvah prajšła zavodskija i dziaržaŭnyja vyprabavańni. Dyrektar zavoda Alaksandr Čurakoŭ raspavioŭ, što dniami płanujecca padpisańnie zahadu ab pryniaćci broniemašyny na ŭzbrajeńnie biełaruskaj armii.
U ruch «Kajman» pryvodzić čatyrochtaktny turbadyziel vadkasnaha astudžeńnia D-245. Ahrehat, jaki stvarali ŭ MMZ, maje elektronnuju sistemu kiravańnia padačaj paliva i spałučany z 5-stupienistaj karobkaj pieradač («miechanikaj»). U mašyny tarsijonnaja niezaležnaja padvieska, mahutnyja masty i kołavyja reduktary ad BTR-60.
Pavodle zajavy vytvorcy, «Kajman» zdolny pieravozić da šaści čałaviek. Pa šašy zapas chodu dasiahaje tysiačy kiłamietraŭ, a maksimalnaja chutkaść — bolš za 100 km/h. Jon zdolny pieraadolvać vadajomy. U jakaści ŭzbrajeńnia moža advolna ŭstaloŭvacca na pavarotny pahon kulamiot, stankavy hranatamiot.
Letaś prajšła prezientacyja jašče adnoj biełaruskaj vajennaj mašyny — BMIE-1015 («Chunta»), raspracavanaj u ramkach aljansu MAZ-MAN. Heta śniehabałotachod, jaki zdolny pierasoŭvacca pa luboj pavierchni: śniežnaj calinie, piasku, bałotach, tundry i vodnych pieraškodach. Kaštuje «Chunta» ad 55 tysiač dalaraŭ. Pieršyja pakupniki madeli — ananimnyja zamoŭcy ź Blizkaha Uschodu.
Ciapier čytajuć
Achviary intehracyi. Rasija biaspłatnymi pucioŭkami i praz Rassupracoŭnictva zavablivaje biełaruskich dziaciej2
Kamientary