Biełaruskamoŭny kłas dla pieršakłaśnikaŭ moža źjavicca ŭ baranavickaj himnazii №4 albo ŭ SŠ №9
Užo dva hady žychary Baranavič sprabujuć dabicca stvareńnia biełaruskamoŭnaha kłasa ŭ himnazii №4, što znachodzicca ŭ centry horada.
Čarhovaja sustreča baćkoŭ z kiraŭnictvam horada adbyłasia 25 lipienia. Na jej prysutničali staršynia Baranavickaha harvykankama Juryj Hramakoŭski, kiraŭnik upraŭleńnia pa adukacyi Siarhiej Puzikaŭ i pravaabaronca Siarhiej Hoŭša.
— Na sustrečy nam prapanavali adkryć kłas u SŠ №9. Heta ŭžo lepš, čym škoła №16, bo znachodzicca ŭ centry, — raskazała Intex-press Taćciana Małaščanka, maci adnoj z budučych pieršakłaśnic. — Kaniečnie, heta nas ździviła, my čakali horšaha. Paśla sustrečy źjaviłasia nadzieja na adkryćcio kłasa ŭ himnazii.
27 lipienia baćkoŭ baćkoŭ vyklikaŭ kiraŭnik upraŭleńnia pa adukacyi harvykankamu. Pa słovach Taćciany Małaščanka, jon prapanavaŭ jašče adzin varyjant:
— Dziaciej mohuć uziać u himnaziju, ale ŭ pieršym kłasie jany buduć zajmacca ŭ dziciačym sadku. A ŭžo z druhoha kłasu buduć vučycca ŭ samoj himnazii.
Siarhiej Puzikaŭ raskazaŭ baćkam, što ciapier vyrašajecca, u jakim sadku zmohuć zajmacca ich dzieci.
Ciapier čytajuć
Achviary intehracyi. Rasija biaspłatnymi pucioŭkami i praz Rassupracoŭnictva zavablivaje biełaruskich dziaciej13
Kamientary