Deputat Pałaty pradstaŭnikoŭ, siabra mižnarodnaj kamisii Anatol Chiščanka vykazaŭ Svabodzie svoj pohlad na znos kryžoŭ u Kurapatach.
«Kurapaty — heta ahulnaje miesca skruchi. I jano nie pavinna być nikim pryvatyzavanaje. Ni ŭładaj, ni apazycyjaj», — skazaŭ Chiščanka.
Chiščanka ličyć, što padziei ŭ Kurapatach pakazali, što «čynoŭnikam treba navučycca pracavać ź ludźmi, a nie hladzieć tolki ŭvierch»:
«Z najvyšejšych kabinetaŭ im idzie zahad. I jany jaho vykonvajuć. Ale sytuacyja ŭ krainie pastupova źmianiajecca. I, jak mnie padajecca, kiraŭnikam nižejšaha ŭzroŭniu treba spynicca ŭ svaich dziejańniach, kali jany ŭsio śpisvajuć na bolš vysokich čynoŭnikaŭ».
Deputat kaža, što jamu i raniej davodziłasia sutykacca z čynoŭnikami, jakija spasyłajucca na vyšejšaje načalstva.
«Jany pakazvajuć palcam uvierch. Maŭlaŭ, adtul iduć zahady. Ale ž treba prajaŭlać pryncypovaść, jakoj my pakul nia bačym. Čaho čynoŭniki bajacca? Ja dumaju, tut dziejničajuć pryčyny i asabistaha, i karjernaha charaktaru. Choć ja liču, što pierad tym jak rabić takija rečy, jak u Kurapatach, treba było abaviazkova pahavaryć ź ludźmi, daviedacca ichnyja mierkavańni», — kaža deputat Pałaty pradstaŭnikoŭ.
Kamientary