... za tendencyjnyja artykuły i niehatyŭ adnosna kiraŭnika krainy.
Ministerstva zamiežnych spravaŭ pazbaviła akredytacyi žurnalista «Gazeta Wyborcza» Andreja Pačobuta.
«3 sakavika ja patelefanavaŭ u MZS, kab vyśvietlić, što z majoj zajavaj na akredytacyju. Papiaredniaja akredytacyja skončyłasia jašče 24 lutaha.
Supracoŭnik pres-słužby začytaŭ, što ŭ suviazi z tendencyjnaściu artykułaŭ, a taksama niehatyvam u dačynieńni kiraŭnika dziaržavy maja akredytacyja anulavanaja, a novaja pakinutaja biez razhladu», – paviedamiŭ A.Pačobut.
Byŭ začytany navat kankretny śpis artykułaŭ, jakija vyklikali takoje rašeńnie. Heta publikacyi: «Łukašenka Jeŭrasajuzu: My chočam dyjałohu biez pasiarednikaŭ», «Biełaruski MUS choča adbitki palcaŭ usich mužčyn», «Biełaruś: Palavańnie na palityčnych», «Łukašenka vykidvaje polskich śviataroŭ».
Ahułam z akredytacyjaj Andrej Pačobut adpracavaŭ tolki čatyry miesiacy. «Uličvajučy svaju asobu, ja nie čakaŭ, što mnie jaje ŭvohule mohuć dać. Adnak heta trapiła ŭ pieryjad adnosnaj adlihi. Napeŭna, ciapier časy źmianilisia», – kaža žurnalist.
Pakul Andrej Pačobut znachodzicca ŭ adpačynku. Jon źbirajecca praciahvać dabivacca akredytacyi. Žurnalisckaj pracy taksama kidać nie budzie.
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary