Papularny futbalist BATE pačaŭ pisać u błoh pa-biełarusku.
Papularny futbalist BATE pačaŭ pisać u błoh pa-biełarusku.
Usim pryvitańnie. Paśla nievialičkaha pierapynku ŭznaŭlaju błoh. Kali zapytajecie: «Čamu nie adpisvaŭsia?», mahu adkazać tolki toje, što va ŭmovach, jakija skłalisia paśla matčaŭ z «Naftanam» i asabista ź minskim «Dynama», paličyŭ za lepšaje spynicca na niekatory čas.
Zrazumieła, što niama ničoha dobraha u našaj parazie ad «Naftana». Za taki vynik treba prasić prabačeńnia — ničoha druhoha nie zastajecca. Spadziajusia, nastupnyja hulni reabilitavali kamandu ŭ vačach fanataŭ.
Sprava ŭ tym, što nie isnuje kłubaŭ, jakija b byli zdolny ŭvieś čas pieramahać. BATE nie vyklučeńnie.Padčas hulni z «Naftanam» u nas nie było nijakaj abyjakavaści, usie žadali pieramohi, ale, na žal, nie paščaściła.
Dobra, što chutka my pieramahli «Dynama» ź Minsku. Stadyjon bieła‑błakitnych viedajem vielmi dobra — usie ž taki matčy Lihi čempijonaŭ jašče nie zabylisia, dy i ŭ druhim tury tut ža zmahalisia z «Minskam».
U stalicy ŭ hety raz mnie paščaściła zabić dva hały, usiaho ž na maim rachunku užo čatyry.
Zrazumieła, mnie spadabałasia zabivać, ale ž bolej zadavalnieńnia pryniesła pieramoha.
Jašče adzin tur — i jašče adno «Dynama», tolki z Brestu. Pieryjadyčnyja vydańni paličyli Płotnikakava hierojem hetaj sustrečy. Mabyć, tak, čas ad času jon sur`iozna dapamahaŭ svajoj kamandzie. Ale ž heta my zrabili Płotnikakva hierojem. Pa bolšaj častcy my vyrašali halavyja momanty nie lepšym čynam. Što jašče skazać? Treba dalej praciahvać pracavać nad realizacyjaj.
Ja adpisaŭsia ab troch našych hulniach. Liču nieabchodnym padziakavać usim fanam BATE za padtrymku. Na stadyjonach uvieś čas było šmat hledačoŭ. Mnie zdajecca, što, kali čałavieku budzie składana znajści kvitok na hulniu čempijanatu Biełarusi, tady možna budzie razmaŭlać ab prahresie našaha futbołu.
Ale ž usio zaležyć tolki ad nas: kali naša hulnia budzie padabacca, hledačoŭ budzie šmat.
Dziakuj za aktyŭnaść. Jość rekord!
Zdajecca, usio.
Prašu prabačeńnia, kali było šmat pamyłak i čas ad času vykarystoŭvalisia rusizmy.Chutka matč z «Niemanam». Čakajem vas. Usim pośpiechaŭ, nie chvarejcie.
Ciapier čytajuć
Achviary intehracyi. Rasija biaspłatnymi pucioŭkami i praz Rassupracoŭnictva zavablivaje biełaruskich dziaciej20
Kamientary