Alaksandr Łukašenka zapatrabavaŭ, kab da kanca hoda vahańni biełaruskaha rubla zastavalisia «stroha ŭ miežach plus‑minus 5%»,
paviedamiła pres‑słužba prezidenta pa vynikach jaho sustrečy 14 maja sa staršynioj praŭleńnia Nacyjanalnaha banka Piatrom Prakapovičam.
Kiraŭnik Nacbanka paviedamiŭ ab vynikach vykanańnia Asnoŭnych kirunkaŭ hrašova‑kredytnaj palityki za čatyry miesiacy 2009 hoda i zadačach na bližejšy pieryjad.
Pavodle słoŭ P.Prakapoviča, usie pakazčyki Asnoŭnych kirunkaŭ vykanany ŭ poŭnym abjomie.
Asablivaja ŭvaha była nadadziena vykanańniu pakazčykaŭ, jakija ŭ pieršuju čarhu ŭpłyvajuć na vykanańnie prahnozu sacyjalna‑ekanamičnaha raźvićcia krainy.
Kurs biełaruskaha rubla pa‑raniejšamu nie vychodzić za miežy kalidora plus‑minus 5% da košyka zamiežnych valut. U krasaviku adznačałasia ŭmacavańnie biełaruskaha rubla ŭ dačynieńni da dołara ZŠA i asłableńnie da jeŭra i rasijskaha rubla.
Padčas spravazdačy zaznačałasia, što ŭ paraŭnańni z anałahičnym letašnim pieryjadam abjom kredytnych resursaŭ dla realnaha siektara ekanomiki pavialičyŭsia bolš čym u 1,5 raza, a pa takich pryjarytetnych kirunkach, jak žyllo, — bolš čym u 1,6 raza.
Za čatyry miesiacy 2009 hoda ŭ paraŭnańni z adpaviednym letašnim pieryjadam abarot pa płaciažach pavialičyŭsia pa sumie ŭ 1,55 raza, «što havoryć ab narmalnaj pracy ekanomiki ŭ režymie realnaha času pa praviadzieńni płaciažoŭ».
A.Łukašenka zapatrabavaŭ «niaŭchilnaha vykanańnia ŭsich pakazčykaŭ Asnoŭnych kirunkaŭ hrašova‑kredytnaj palityki».
***
Šerah ajčynnych i mižnarodnych ekanamistaŭ, u pryvatnaści Leanid Zaika, zajaŭlajuć ab pahrozie novaj devalvacyi biełaruskaha rubla pa pryčynie vialikaha admoŭnaha salda źniešniaha handlu.
Ekśpierty misii Mižnarodnaha valutnaha fondu, jakija pracavali ŭ Minsku z 29 krasavika pa 13 maja, zajavili ab uzmacnieńni ŭpłyvu suśvietnaha kryzisu na Biełaruś. Misija pavinna padrychtavać spravazdaču, na padstavie jakoj budzie vyrašacca pytańnie ab vydzialeńni krainie druhoj častki stabilizacyjnaha kredytu.
Šerah ŚMI paviedamlajuć, što novaja devalvacyja rubla (na 5—10%) abo pašyreńnie miežaŭ kalidora valutnaha košyka (da 10%) źjaŭlajecca adnym z patrabavańniaŭ MVF dla vydzialeńnia druhoha tranšu,
adnak hetaja infarmacyja aficyjna nie paćvierdžana.
5 maja ministr ekanomiki Mikałaj Zajčanka zajaviŭ, što padstaŭ dla novaj razavaj devalvacyi niama.
Ciapier čytajuć
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu6060
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu60
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1414
Kamientary