U lesie kala vioski Borki Pinskaha rajona voŭk sprabavaŭ napaści na ludziej. Pošukam drapiežnika zanialisia palaŭničyja i pamiežniki, paviedamlaje BiełTA.
«26 krasavika na poŭdni Pinskaha rajona znoŭ abjaviŭsia ahresiŭny voŭk. U lasnym masivie ŭ vakolicach pamiežnaj vioski Borki Łasickaha sielsavieta dziki źvier patryvožyŭ ludziej. Drapiežnik vyjšaŭ da pracoŭnych leśnikoŭ, staŭ nabližacca, skaliŭsia i rykaŭ. Mužčyny sieli ŭ mašynu i pakinuli les», — raspaviali ŭ Pinskim rajvykankamie.
«Pa źniešnich prykmietach voŭk vyhladaje i pavodzić siabie jak šalony: šerść kasmykavataja, chada mlavaja, nakulhvaŭ», — adznačyli ŭ rajvykankamie. Šalenstva paćvierdziłasia i ŭ vaŭka, jaki atakavaŭ susiedni z Borkami Łasick 5 krasavika. Tady drapiežnik pakusaŭ troch ludziej i niekalki chatnich žyvioł. Na nastupny dzień jaho zastreliŭ jehier.
Ciapier čytajuć
Achviary intehracyi. Rasija biaspłatnymi pucioŭkami i praz Rassupracoŭnictva zavablivaje biełaruskich dziaciej2
Kamientary