Konsulstva Biełarusi ŭ Paryžy admoviła prezidentu Mižnarodnaj fiederacyi pravoŭ čałavieka (MFPČ) Suchajr Biełchasien u atrymańni biełaruskaj vizy.
Jak paviedamiŭ BiełaPAN vice‑prezident fiederacyi Aleś Bialacki, Suchajr Biełchasien płanavała sustrecca ŭ Minsku z pradstaŭnikami hramadzianskaj supolnaści i pryniać udzieł u słuchańniach spravy ab admovie ŭ dziaržrehistracyi hramadskamu pravaabarončamu abjadnańniu «Naša Viasna».
«Pryčynu admovy ŭ vydačy vizy joj nie rastłumačyli, — skazaŭ Bialacki.— Chutčej za ŭsio, heta źviazana z sudom pavodle pazovu «Našaj Viasny» da Ministerstva justycyi, i z ahulnym stanam z pravami čałavieka ŭ Biełarusi. Mižnarodnaja fiederacyja pravoŭ čałavieka pa hetych pytańniach zajmaje pryncypovuju pazicyju». Dziejańni ŭład «čarhovy raz pakazvajuć niehatoŭnaść biełaruskich uład da dyjałohu ź jeŭrapiejskaj supolnaściu», ličyć pravaabaronca.
Bialacki maje namier źviarnucca ŭ Ministerstva zamiežnych spraŭ Biełarusi z zapytam ab pryčynach admovy ŭ vizie staršyni MFPČ.
***
Suchajr Biełchasien naviedvała Biełaruś 29 kastryčnika — 1 listapada 2007 hoda. Tady jana zajaviła, što «režym u Biełarusi — adzin z samych represiŭnych u Jeŭropie». Padčas svajho znachodžańnia ŭ Minsku kiraŭnik MFPČ nakiravała aficyjnyja listy ŭ Ministerstva ŭnutranych spraŭ, Ministerstva justycyi i inšyja ŭstanovy, u jakich prasiła ab sustrečy z kiraŭnictvam hetych viedamstvaŭ. Adnak aficyjnyja asoby jaje zvarot praihnaravali.
Mižnarodnaja fiederacyja pravoŭ čałavieka — upłyvovaja pravaabarončaja arhanizacyja, zasnavanaja ŭ 1922 hodzie. Jana abjadnoŭvaje bolš za 140 pravaabarončych arhanizacyj z roznych krain. Pryjarytetnymi nakirunkami dziejnaści fiederacyi źjaŭlajucca baraćba za pravy čałavieka i abarona pravaabaroncaŭ. Za apošnija 25 hadoŭ fiederacyja arhanizavała prykładna paŭtary tysiačy misij u krainy, dzie isnujuć prablemy z zachavańniem pravoŭ čałavieka.
Ciapier čytajuć
Achviary intehracyi. Rasija biaspłatnymi pucioŭkami i praz Rassupracoŭnictva zavablivaje biełaruskich dziaciej20
Kamientary