Analena Bierbak: Hiermanija pieradaść Ukrainie ciažkaje ŭzbrajeńnie
Ministarka zamiežnych spraŭ Hiermanii Analena Bierbak siońnia zajaviła, što jaje kraina maje namier pieradać ciažkaje ŭzbrajeńnie Ukrainie. Ciapier vyvučajecca, jakoje dadatkovaje techničnaje absłuhoŭvańnie i jakija bojeprypasy nieabchodnyja dla sastarełych niamieckich bajavych mašyn piachoty «Marder», kab Ukraina mahła ich vykarystoŭvać, piša Radyjo Svaboda.
Na druhi dzień svajho turne pa krainach Bałtyi Bierbak adreahavała na krytyku sajuźnikaŭ i kamentataraŭ z nahody pramarudžvańnia Hiermanii z pastaŭkami zbroi va Ukrainu.
«Dla nas niama tabu ŭ dačynieńni da braniatechniki i inšaj zbroi, jakaja nieabchodnaja Ukrainie», — skazała kiraŭnica niamieckaha MZS na sumiesnaj pres-kanferencyi ź ministarkaj zamiežnych spraŭ Estonii Evaj-Maryjaj Lijmets.
Adnak Bierbak zajaviła, što pryjarytetnaja zadača — chutkaja pieradača Ukrainie staroha savieckaha ŭzbrajeńnia, jakoje vajskoŭcy mahli b vykarystoŭvać biez dadatkovaj padrychtoŭki, a dla hetaha nieabchodna papoŭnić zapasy sajuznych krain, u jakich jość takoje ŭzbrajeńnie, sučasnaj niamieckaj zbrojaj.
Adkazvajučy na pytańnie žurnalistaŭ, ci buduć nakiravanyja va Ukrainu niamieckija tanki «Leapard»,
Bierbak skazała, što ŭkrainskim vojskam patrabujecca navučańnie dla vykarystańnia sučasnaha zachodniaha abstalavańnia, ale Bierlin hatovy apłacić hetaje navučańnie.
Hetyja zajavy zroblenyja na fonie niepryjemnaj situacyi, u jakuju dniami patrapiŭ fiederalny kancler Hiermanii Ołaf Šolc. Pavodle infarmacyi vydańnia «Špihiel», lidary apazicyjnaha błoka partyj Chryścijanska-demakratyčny sajuz i Chryścijanska-sacyjalny sajuz (CHDS/CHSS) na nastupnym tydni majuć namier unieści ŭ bundestah prajekt rezalucyi ab pastaŭkach ciažkaha ŭzbrajeńnia Ukrainie, kali hetaha nie zrobić Šolc.
Prytym Šolca krytykuje nie tolki apazicyja, tak i ŭdzielniki praŭradavaj kaalicyi. Bo prajšła infarmacyja, što jon nibyta asabista vykraśliŭ sa śpisaŭ niamieckaha ŭzbrajeńnia, jakoje płanavałasia pieradavać Ukrainie, usio, što naležyć da ciažkaj zbroi.
Čytajcie taksama:
Analena Bierbak: Hiermanija admovicca ad rasijskaj nafty da kanca hetaha hoda
U Hiermanii ŭzhadnili pastaŭku ciažkich uzbrajeńniaŭ Ukrainie
Ministr zamiežnych spraŭ Hiermanii: Ukrainie treba pastaŭlać ciažkuju zbroju, heta bolš čym vidavočna
Hiermanija moža pastavić Ukrainie 50 tankaŭ Leopard
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?52
Kamientary