ZŠA pierastali ličyć Rasiju krainaj z rynačnaj ekanomikaj. Heta moža pryvieści da ŭviadzieńnia novych taryfaŭ
Ministerstva handlu ZŠA zajaviła, što bolš nie budzie ličyć Rasiju krainaj z rynačnaj ekanomikaj. Takim čynam Vašynhton adabraŭ u krainy status, pradastaŭleny joj 20 hadoŭ tamu, i jaki dazvalaŭ paźbiahać antydempinhavych pošlin na tavary, piša RBK.
Jak paviedamlaje Reuters, amierykanski ŭrad ustanaviŭ, što ŭłady Rasii ŭ vielmi značnaj stupieni ŭmiešvajucca ŭ pracu ekanomiki, što ŭpłyvaje na cenaŭtvareńnie i strukturu vydatkaŭ rasijskich vytvorcaŭ. Pa zajavie Ministerstva handlu, u vyniku ceny na rasijskija tavary, jakija pastaŭlajucca ŭ ZŠA, mohuć być niespraviadlivymi.
«Heta rašeńnie ZŠA daje mahčymaść prymianiać usiu siłu antydempinhavaha zakanadaŭstva, kab likvidavać skažeńni na rynku, vyklikanyja rostam umiašańnia rasijskaha ŭrada ŭ pracu ekanomiki», — paviedamlaje Ministerstva handlu ZŠA.
Rasija atrymała ad ZŠA status krainy z rynačnaj ekanomikaj u 2002 hodzie, heta ŭ tym liku było nieabchodna dla ŭstupleńnia ŭ Suśvietnuju handlovuju arhanizacyju.
Paśla pačatku rasijskaha ŭvarvańnia va Ukrainu ZŠA i inšyja zachodnija krainy ŭviali suprać Rasii maštabnyja ekanamičnyja sankcyi, jakija pryviali da rezkaha skaračeńnia ŭzajemnaha handlu. Adnak ZŠA pa-raniejšamu kuplajuć u Rasii niekatoryja tavary, u tym liku stal, aluminij i tytan, naftu, a taksama dreva.
Ciapier čytajuć
Achviary intehracyi. Rasija biaspłatnymi pucioŭkami i praz Rassupracoŭnictva zavablivaje biełaruskich dziaciej13
Kamientary