Na miažy Biełarusi i Rasii źbirajucca šmatkiłamietrovyja čerhi z fur
U redakcyju homielskaha vydańnia «Mocnyja naviny» čytačy dasłali fota čarhi hruzavikoŭ na biełaruska-rasijskim punkcie propusku. Pa słovach adnaho z kiroŭcaŭ, na p.p. «Krasnaja Horka» čarha dasiahnuła 25 kiłamietraŭ, a ŭ čakańni davodzicca pravodzić pa dvoje sutak.
U čatach kiroŭcaŭ havorać, što krychu lepšaja situacyja na susiednim punkcie propusku ŭ Viciebskaj vobłaści. Tam čarha raściahnułasia «ŭsiaho» na 10 kiłamietraŭ.
Z-za čaho zapavoliłasia prachodžańnie fur, na hety momant nieviadoma. Kiroŭcy miarkujuć, što ŭžo jak niekalki tydniaŭ rasijski bok zrabiŭ bolš strohim kantrol transpartu, jaki ŭjazdžaje ŭ Rasiju.
Prablema ŭtvaryłasia nie siońnia, pra jaje pisała 29 sakavika vydańnie «Zierkało».
Kamientary