«Heta vielmi ŭraźlivaja madel». Pašynian zajaviŭ, što Armienija bolš nie moža spadziavacca na Rasiju
Premjer-ministr Armienii Nikoł Pašynian u intervju vydańniu Politico zajaviŭ, što jahonaja kraina bolš nie moža spadziavacca na Rasiju jak na haranta biaśpieki, navat niahledziačy na rost bojazi praz adnaŭleńnie kanfliktu z Azierbajdžanam.
«U vyniku padziej va Ukrainie mahčymaści Rasii źmianilisia… Armienija bolš nie moža spadziavacca na Maskvu jak na haranta svajoj biaśpieki, navat niahledziačy na toje, što raście aściaroha z nahody adnaŭleńnia adkrytaha kanfliktu z Azierbajdžanam», — skazaŭ Pašynian.
Jon nazvaŭ «niaŭstojlivym» padychod, kali ŭ vypadku abvastreńnia kanfliktu kožny raz davodzicca zaklikać Rasiju ŭ jakaści haranta biaśpieki. Ciapier, pavodle Pašyniana, stratehija Armienii zaklučajecca ŭ tym, kab maksimalna źnizić «zaležnaść ad inšych».
«Madel, zhodna ź jakoj u nas uźnikajuć prablemy z našymi susiedziami, i my pavinny zaprašać inšych abaranić nas — usio adno, chto hetyja inšyja, — jość vielmi ŭraźlivaj madellu», — adznačyŭ armianski premjer.
U intervju jon uspomniŭ padziei vieraśnia 2022 hoda. «Azierbajdžan atakavaŭ terytoryju Armienii, zachoplivaŭ terytoryi, a sajuźniki maŭčali i nie reahavali».
U suviazi z hetym, jak adznačyŭ Pašynian, Armienii daviałosia pajści na damoŭlenaść, kab «zafiksavać suvierenitet i terytaryjalnuju cełasnaść».
3 vieraśnia ŭ intervju italjanskamu vydańniu La Repubblica Nikoł Pašynian kazaŭ, što ciapier «Rasija maje patrebu ŭ zbroi i bojeprypasach», tamu «navat kali b zachacieła, nie zmahła b zabiaśpiečyć patreby Armienii ŭ śfiery biaśpieki».
Pucin: Kali Armienija pryznała, što Karabach — častka Azierbajdžana, to pra što razmova?
Maskva navažyłasia na kanfrantacyju z Armienijaj
U Armienii zatrymali prarasijskaha błohiera i žurnalista «Sputnika»
Žonka premjera Armienii adpraviłasia ŭ Kijeŭ
U Armienii praviaduć vajskovyja vučeńni sumiesna z ZŠA
Ciapier čytajuć
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu8989
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu89
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1414
Kamientary