Arciemij Lebiedzieŭ zrabiŭ tatu na biełaruskaj. Heta nie spadabałasia minskaj stvaralnicy stykieraŭ dla AMAPu
Skandalna viadomy rasijski dyzajnier Arciemij Lebiedzieŭ pachvaliŭsia ŭ instahramie tatuiroŭkaj, na jakoj možna razhladzieć napisanaje na biełaruskaj movie słova.
Tatu-majstrycha Darja Sałaŭjova nabiła Lebiedzievu na ruce taki malunak: nievialiki pakojčyk, u jakim jość akno sa staroj ramaj i kvietkaj na padakońniku, stoł z kampjutaram, kotka na kreśle, a taksama dyvan, pa krai jakoha napisana pa-biełarusku «tatuiroŭka».
Ale nie treba šukać u hetym tatu niejkaje palityčnaje vykazvańnie. Arciemij Lebiedzieŭ jašče ŭ 2021 hodzie paviedamiŭ, što płanuje rabić tatu, jakija źmiaščajuć słova «tatuiroŭka». Adno ź pieršych tatu z hetaj sieryi było na japonskaj movie — zrabiła malunak dyzajnierka ź Japonii Mia Choryi. Tady dyzajnier navat prapanoŭvaŭ padpisčykam nabivać takija samyja tatu i abiacaŭ za heta rekłamu: «Chto choča zrabić parnuju tatuchu — vełkam. Možna bić na levaj ruce, jak u mianie, a možna na paŭdupy, usie varyjanty vitajucca. Chto nabje — dasyłajcie fotku, budu rekłamavać».
Tolki za dva minułyja tydni Lebiedzieŭ zrabiŭ try tatu — akramia biełaruskaj movy, na jaho ciele źjavilisia nadpisy na kitajskaj i francuzskaj.
Mienavita biełaruskaja vyklikała abureńnie ŭ niekatorych padpisčykaŭ:
«Ech, a ŭ RB zaraz nacyjanaluhi zabiaspłatna pa akcyi ad adnoj zmaharskaj zapraŭki tatuiroŭki na biełaruskaj bjuć, aby nie pa-rasiejsku».
Što cikava: napisała hety kamientaryj biełaruskaja dyzajnierka Hanna Pierarosłaja (pracuje pad psieŭdanimami Ascha, Pink Shark) — mienavita jana stvaryła stykiery ŭ padtrymku represij, AMAPu «silaomon» i abrazami biełaruskaj simvoliki «zabatku».
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha20
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu115115
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu115
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1515
Kamientary