KniharniaŬhalerei, tvorčaja prastora bY‑books 19 lutaha a 19 hadzinie zaprašajuć na prezientacyju zbornika «…Pačuć, jak losu valacca mury»
U nazvu vydańnia vyniesieny radok ź vierša Uładzimira Karatkieviča, pryśviečanaha Hienadziu Kisialovu, i hety zbornik — danina pamiaci vydatnaha daśledčyka biełaruskaj historyi i litaratury. Jon viartaŭ z zabyćcia imiony, padziei i teksty, i mnohija jaho knihi, pryśviečanyja paŭstańniu 1863—64 hh. i losam jaho ŭdzielnikaŭ, vyznačeńniu aŭtarstva słavutych paem «Enieida navyvarat» i «Taras na Parnasie», razhadcy šmatlikich inšych tajamnic našaj minuŭščyny, možna nazvać sapraŭdy kultavymi.
Zbornik, jaki vyjšaŭ u vydaviectvie «Limaryus», składajecca ź dźviuch častak.
U pieršuju ŭvajšli raniej nie publikavanyja materyjały z archiva Hienadzia Kisialova, jaho biblijahrafija, a taksama ŭspaminy pra daśledčyka jaho blizkich i siabroŭ, kaleh: navukoŭcaŭ, litarataraŭ, archivistaŭ.
Druhi raździeł zbornika składajecca z materyjałaŭ, padrychtavanych navukoŭcami, jakija, hetaksama jak i Hienadź Kisialoŭ, daśledujuć nieabsiažny maciaryk biełaruskaj historyi i litaratury XIX st. Tut źmieščany artykuły na nadzvyčaj aktualnyja zaraz temy (naprykład, z nahody dyskusii vakoł aŭtarstva «Pinskaj šlachty» ci sprobaŭ dyskredytacyi vobraza Kastusia Kalinoŭskaha), a taksama ŭpieršyniu apublikavany šerah kaštoŭnych archiŭnych materyjałaŭ.
Siarod aŭtaraŭ zbornika — Iryna Bahdanovič, Hanna Kiślicyna, Adam Maldzis, Michaś Tyčyna, Uładzimir Marchiel, Mikoła Chaŭstovič, Ihar Zaprudski, Alaksandr Fiaduta, Jazep Januškievič, Aleś Smalančuk, Viačasłaŭ Šalkievič, Uładzimir Karotki, Arsień Lis, Uładzimir Konan, Alaksiej Kaŭka, Vital Skałaban, Hienrych Dalidovič i inšyja.
Adras kniharniŬhalerei: Minsk, pr.Niezaležnaści, 37A
Kantakt: 17 290 63 06, [email protected]
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha9
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu100100
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu100
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1515
Kamientary