Na Syzranskim NPZ u Rasii bušuje pažar paśla ataki BPŁA, jość zahinułyja
U noč na 21 maja Syzranski naftapierapracoŭčy zavod u Samarskaj vobłaści RF atakavali bieśpiłotniki. Na terytoryi pradpryjemstva pačaŭsia pažar, nad pramzonaj padniaŭsia słup čornaha dymu. Pavodle papiarednich źviestak, haryć adna z ustanovak pa pierapracoŭcy nafty.
Kala 4 hadzin nočy miascovyja ŭłady ŭviali ŭ rehijonie režym bieśpiłotnaj niebiaśpieki, a krychu paźniej abviaścili režym «Dyvan», jaki całkam zakryŭ pavietranuju prastoru. Z-za pahrozy Rasavijacyja časova spyniła pracu aeraportaŭ u Saratavie, Nižnim Noŭharadzie, Pienzie, Machačkale i Kałuzie.
Hubiernatar Samarskaj vobłaści Viačasłaŭ Fedaryščaŭ paćvierdziŭ ataku BPŁA i paviedamiŭ, što zahinuli dva čałavieki, taksama jość paranienyja.
«Astra» paćvierdziła fakt hareńnia mienavita na terytoryi NPZ. Akramia taho, adzin z dronaŭ upaŭ u pryvatnym siektary Syzrani prykładna za 2—2,5 km ad zavodu, miarkujecca, što jon byŭ padaŭleny srodkami radyjoelektronnaj baraćby.
Syzranski NPZ uvachodzić u strukturu «Rasnafty» i źjaŭlajecca adnym z najbujniejšych u rehijonie. Zavod zabiaśpiečvaje palivam u tym liku i ŭzbrojenyja siły Rasii. Heta ŭžo nie pieršaja ataka na pradpryjemstva — papiaredni surjozny nalot na SNPZ adbyŭsia ŭ kancy krasavika.
Ciapier čytajuć
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu7878
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu78
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1414
Kamientary