Ministerstva sielskaj haspadarki i charčavańnia ŭstanaviła fiksavanyja ceny na pradukcyju raślinavodstva ŭradžaju 2012 hoda i žyviołahadoŭli, što realizujecca dla dziaržaŭnych patreb. Adpaviednyja rašeńni zamacavanyja ŭ pastanovach ministerstva № 20 i № 21, apublikavanych na Nacyjanalnym pravavym partale.
Zhodna z pastanovaj № 20 zakupačnyja ceny na ziernievyja i šerah krupianych kultur uradžaju 2012 hoda buduć pavialičanyja ŭ siarednim na 65%. Tak, ceny na cukrovyja buraki ŭzrastuć prykładna ŭ 2,5 razu, alejnaje nasieńnie rapsu — u 3,1 razu, hrečku — u 2,1 razu.
Zakupačnyja ceny, u pryvatnaści, na kandycyjnyja buraki pavialičacca sa 140 (u 2011 hodzie) da 350 tysiač rubloŭ za tonu, na alejnaje nasieńnie rapsu — z 1 da 3,1 młn. rubloŭ za tonu, hrečku — z 1,7 da 3,68 młn. rubloŭ za tonu, pivavarny jačmień — z 550 tysiač da 1,6 młn. rubloŭ.
U adpaviednaści z pastanovaj Minsielhascharča № 21 u Biełarusi ŭ 1,7–2 razy pavyšajucca zakupačnyja ceny na karovina małako, bujnuju rahatuju žyviołu (BRŽ) i miasa BRŽ, śviniej i śvininu, što realizujucca dla dziaržaŭnych patreb.
Tak, novaja cana na małako hatunku «ekstra» składzie 3,215 młn. rubloŭ za tonu, vyšejšaha hatunku — 2,77 młn. rubloŭ, pieršaha hatunku — 2,555 młn. rubloŭ.
Zakupačnyja ceny na śviniej uzrastuć amal u 2 razy. Cana na śviniej dla zaboju składzie ŭ zaležnaści ad katehoryi ad 8,943 młn. da 18,969 młn. rubloŭ za tonu žyvoj vahi, na śvininu za tonu zabojnaj vahi — ad 17,072 młn. da 31,671 młn. rubloŭ.
Amal u 2 razy pavysiacca zakupačnyja ceny na bujnuju rahatuju žyviołu. Ceny na BRŽ dla zaboju składuć ad 5,418 młn. da 64,974 młn. rubloŭ za tonu žyvoj vahi, za tonu zabojnaj vahi — ad 13,984 młn. da 121,135 młn. rubloŭ.
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary