Pasadka bulby: jak, čym i kali? Što novaha raić navuka

Bulba — nadzvyčaj kapryźlivaja raślina. Pasadziŭ nie ŭ paru, ci zanadta hłyboka, ci ŭ vilhotnuju ziamlu — čakaj zatrymki ŭ prarastańni, a to i mienšaha ŭradžaju. Što varta pamiatać i jakich praviłaŭ trymacca, kab atrymać dobry ŭradžaj? Niekalki paradaŭ bulbavodam-amataram.

Padrychtoŭka nasieńnia

Pierad pasadkaj bulbu pažadana praraścić i apracavać dastupnymi srodkami ad uzbudžalnikaŭ infiekcyj. Padrychtavanaja takim čynam nasienka prarastaje chutčej i daje bolšy ŭradžaj.

Praroščvańnie na soncy — samy dastupny sposab. Nasienku možna vynieści na vulicu, vysypać na doł abo pakinuć u sietkach. Kali na vulicy jašče chaładnavata, to nasienku možna praroščvać u dobra aśvietlenym pamiaškańni.

Kab abiasškodzić nasienku ad uzbudžalnikaŭ infiekcyj, vykarystoŭvajuć draŭniany popieł, miedny kuparvas. Siońnia ŭ haspadarčych kramach možna nabyć admysłovyja sumiesi, u jakich prysutničajuć nie tolki «leki», ale i nieabchodnyja dla rostu mikraelemienty — cynk, mahnij, bor.

Bolš padrabiazna pra padrychtoŭku nasieńnia možna pačytać daviedacca z rekamiendacyj ahranoma Albina Makareviča.

Varta pamiatać pra svoječasovuju źmienu nasieńnia.

Sadzić u paru

Časta ludzi sadziać bulbu pa pryncypie «aby chutčej za susieda». Varta pamiatać pry hetym pra kapryźlivy charaktar bulby. Najbolš aptymalny čas dla pasadki. Kali tempieratura hleby na hłybini 10 sm prahrełasia da 8 hradusaŭ. Istotny momant — hłybinia pasadki. Tut usio zaležyć ad miechaničnaha składu hleby. Na ciažkich hlebach bulbu sadziać na hłybiniu da 7 sm, na piasčanych — da 10. Kali nie trymacca hetych praviłaŭ, vaša nasieńnie budzie prarastać na tydzień, a to i dva daŭžej.

Najbolš jaskravaja vizualnaja prykmieta taho, što samy čas sadzić bulbu — pieryjad masavaha kvitnieńnia dźmuchaŭcoŭ. Nie pamylicca i toj, chto pačakaje z pasadkaj bulby da siaredziny maja.

Dzie kupić nasienku

Bolš za 50 hatunkaŭ bulby prapanuje Instytut bulbavodstva ŭ Samachvałavičach, što pad Minskam. Siarod ich «Delfin» (rańni), «Sante» (vielmi ŭstojlivy da niematody, lekuje ziamlu), «Skarb» (najlepšaja zamiena koliś papularnaha «Tempu» — poźni, smačny), «Janka» (siaredniaśpiełyja), «Rahnieda» (siaredniapoźni), «Žuravinka» (siaredniapoźni, čyrvony, vitaminny) dy inšyja. Teł.: (017) 506-61-41.

TAA «Kłon», stvoranaje niekali Instytutam bulbavodstva, taksama mieścicca pad Samachvałavičami. «Kłon» prapanuje biełaruskija hatunki «Delfin», «Sante», «Skarb», «Janka» , «Rahnieda», a taksama zvyšrańni niamiecki hatunak «Karoła». Teł./faks: 8(017) 506-61-43; teł.mab.: +375 (29) 670-40-98; +375 (29) 670-40-97.

Nabyć nasienku, jakuju vyroščvaje AAT «Nika» (Karelicki rajon Hrodzienskaj vobłaści), možna niepasredna ŭ vytvorcy, a taksama ŭ kramach AAT «MinskHatunakNasienHarodnin» i RUP «BrestHatunakNasienHarodnina». «Nika» prapanuje biełaruskija hatunki «Lileja», «Uładar» (ci nie najlepšy z rańnich hatunkaŭ na siońnia), «Bryz» (ci nie najlepšy z rańniesiarednich), «Skarb», «Janka» (siaredniaśpiełyja), «Žuravinka» (siaredniapoźni, čyrvony, vitaminny). A taksama šerah niamieckich hatunkaŭ: «Moli», «Debora» (rannija), «Fielicytas» i «Łambada» (siaredniaśpiełyja). Teł./faks: (01596) 20771; teł.mab.: (29) 676-34-01; (29) 648-00-91.

Nasieńnie hatunkaŭ «Žuravinka», «Skarb» i «Uładar» prapanuje fiermierskaja haspadarka «Bieraźniaki APS» (Pietrykaŭski rajon Homielskaj vobłaści). Teł.mab.: (33) 672-31-14 MTS; (44) 458-48-58; +375 (44) 703-47-30 Vel.

U Miensku nasienku supierelitu dy elitu najlepšaj biełaruskaj sielekcyi možna nabyć u kramie «Bulbačka», što na Surhanava, 31 (blizka mietro Akademija navuk).

• 1
• 0
• 0
• 0
• 0
• 0
• 0
• 0