Inicyjatyŭnuju hrupu aŭtara «Musarka»-«Zmaharka» nie zarehistravali
Ivan Amielčanka tym časam znoŭ na sutkach.
19 lipienia adbyłosia pasiedžańnie akruhovaj kamisii, jakaja admoviła Ivanu Amielčanku ŭ rehistracyi inicyjatyŭnaj hrupy na padstavie artykuła 65 Vybarčaha kodeksu.
Pra heta paviedamiŭ aktyvist kampanii «Havary praŭdu» Pavał Vinahradaŭ. Amielčanka planavaŭ rehistravacca ŭ Kalinoŭskaj vybarčaj akruzie № 108.
Aŭtar našumiełaha performansu «Musarok» abviaściŭ pra pačatak vybarčaj kampanii 16 lipienia.
A ŭžo 17 lipienia napiaredadni vizytu ŭ Miensk premjer-ministra Rasiei Dźmitryja Miadźviedzva jon byŭ zatrymany i asudžany da 12 dzion aryštu.
U hety dzień Ivan Amielčanka mieŭsia naviedać akruhovuju kamisiju. Ale z ulikam dośviedu preventyŭnych zatrymańniaŭ (ad 26 červienia Amielčanka pravioŭ za kratami ahułam 40 dzion), było vyrašana adpravić dakumenty na rehistracyju poštaj. Akruhovaja kamisija dakumenty atrymała, adnak rehistravać inicyjatyŭnuju hrupu admoviłasia mienavita tamu, što dakumenty byli dastaŭlenyja takim čynam.
Pavał Vinahradaŭ z takim rašeńniem nia zhodny i planuje skardzicca ŭ Cetravybarkam.
Abviaščajučy pačatak vybarčaj kampanii,
Amielčanka zajaviŭ, što choča «atrymać pracu deputata, bo tam niakiepski zarobak i dobry sacyjalny pakiet: kvatera, mašyna i ŭsio takoje». U abmien na padtrymku elektatarata Ivan Amielčanka prapanoŭvaŭ uvieści lhoty dla vieteranaŭ vajny 1812 hodu i zabiaśpiečyć ich kvaterami.
Hladzi taksama: Inicyjatyŭnym hrupam Statkieviča admaŭlajuć u rehistracyi
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary