U niadzielu adbylisia šeść ź siami hulniaŭ čaćviortaha turu čempijanatu Biełarusi pa futbole. Jašče adzin matč adbudziecca siońnia. U Miensku na «Dynama» haspadary buduć prymać homielskich futbalistaŭ.
U niadzielu adbylisia šeść ź siami hulniaŭ čaćviortaha turu čempijanatu Biełarusi pa futbole. Jašče adzin matč adbudziecca siońnia. U Miensku na «Dynama» haspadary buduć prymać homielskich futbalistaŭ.
Adzinaasobnym lideram zastaŭsia barysaŭski BATE, jaki z bujnym likam pieramoh svaich hieahrafičnych susiedziaŭ z Žodzina. Amal da 70‑aj chviliny «Tarpeda» mužna adbivała ataki barysaŭcaŭ, ale nia vytrymała da finalnaha śvistka — 3:0. Adzin z hałoŭ zabiŭ Hienadź Bliźniuk, jaki źjaŭlajecca najlepšym bambardziram pieršynstva. Sioleta BATE jašče nie prajhrała i nie syhrała ŭničyju nivodnaha matču. Čatyry pieramohi ŭ čempijanacie, 4 — u Kubku. Razam z tym pa‑raniejšamu praciahvaje kurs reabilitacyi paśla infarktu trener BATE Ihar Kryvušenka. U jahonaha maładoha kalehi Viktara Hančarenki pakul usio atrymlivajecca ŭdała.
Na adlehłaści dvuch punktaŭ ad BATE ŭ tablicy znachodzicca mienski MTZ‑RIPA. U niadzielu «traktarazavodcy» ź ciažkaściu pieramahli navapołacki «Naftan» — 1:0. Užo na čaćviortaj chvilinie hoł zabiŭ juny Jahor Zubovič. Stanovišča ž «Naftana» pakul katastrafičnaje, kamanda nia maje nivodnaha punktu.
Zatoje pieršy punkt nabraŭ «Viciebsk». Užo biez byłoha trenera Andreja Čarnyšova klub zhulaŭ uničyju ŭ Smurhoniach — 1:1.
Sensacyja adbyłasia ŭ Horadni, dzie miascovy «Nioman» pieramoh salihorski «Šachtar». Kamanda Ludasa Rumbucisa vałodała inicyjatyvaj na praciahu ŭsiaho matču i zabiła dva hały.
Zdajecca, što z kryzisu pačała vychodzić ždanovickaja «Daryda». «Mineralnyja» atrymali minimalnuju druhuju pieramohu zapar. Na hety raz jany akazalisia macniej za «Dniapro».
«Miensk» i bieraściejskaje «Dynama» razyhrali absalutna šeruju nulavuju ničyju.
Turnirnaja tablica paśla čatyroch turaŭ: BATE — 12 punktaŭ, MTZ‑RIPA — 10, «Nieman», «Šachtar» — pa 7, «Daryda» — 6, «Homiel», «Smurhoni», «Tarpeda», «Dniapro», «Dynama» (Bieraście) — pa 5, «Miensk» — 4, «Dynama» (Miensk), «Viciebsk» — pa 1, «Naftan» — 0.
Najlepšy bambardzir Hienadź Bliźniuk (BATE) — 5 hałoŭ.
Ciapier čytajuć
Achviary intehracyi. Rasija biaspłatnymi pucioŭkami i praz Rassupracoŭnictva zavablivaje biełaruskich dziaciej20
Kamientary