Галоўнае ўпраўленне разведкі Міністэрства абароны Украіны сцвярджае, што Расея закупляе сродкі сувязі, у тым ліку і тэрміналы спадарожнікавага інтэрнэту Starlink, для выкарыстання ў вайне ў арабскіх краінах.
У свежым радыёперахопе, апублікаваным ГУР, расейскія вайскоўцы абмяркоўваюць магчымасці набыцця тэрмінала спадарожнікавай сувязі Starlink.
Па словах аднаго з суразмоўцаў, «арабы прывозяць усё: правады, вайфай, роўтар», а цана прылады Starlink складае 200 тысяч рублёў.
Першыя выпадкі выкарыстання гэтых тэрміналаў УС РФ пачалі фіксавацца яшчэ некалькі месяцаў таму. Днямі ГУР заявіла, што маштаб выкарыстання такой сувязі «пачынае набіраць сістэмны характар».
Ілан Маск назваў «катэгарычна нявернымі» паведамленні пра тое, што войска РФ выкарыстоўвае тэрміналы Starlink ва Украіне. «У шэрагу ілжывых навін сцвярджаецца, што SpaceX прадае тэрміналы Starlink Расеі. Гэта катэгарычна няправільна. Наколькі нам вядома, ні адзін Starlink не быў прададзены Расеі прама ці ўскосна», — напісаў Маск у сацсетцы X (былы твітар).
Цяпер чытаюць
Загінуў былы палітвязень Аляксей Ляўкевіч. Яго вызвалілі тры месяцы таму пасля візіту Коўла3
Загінуў былы палітвязень Аляксей Ляўкевіч. Яго вызвалілі тры месяцы таму пасля візіту Коўла
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4040
Каментары