Толькі за апошнія тыдні жніўня ўкраінскія беспілотнікі-перахопнікі збілі больш за сотню расійскіх беспілотнікаў-разведчыкаў. Але ліквідацыя «Изделия-51» здарылася хіба што ўпершыню.
У сацыяльных сетках з'явілася відэа, на якім паказана, як украінскі FPV-дрон 11 брыгады Нацыянальнай гвардыі Украіны імя Міхайла Грушэўскага збівае расійскі беспілотнік «Ланцэт».
Запіс размясціў украінскі валанцёр Сяргей Стэрненка. Па яго словах, нацгвардзейцы збілі новую мадыфікацыю «Ланцэта» — «Ізделіе-51», здольную лётаць на дыстанцыю звыш 50 кіламетраў.
«Ён хацеў атакаваць адзін з нашых аб'ектаў, але не сёння, поскудзь, не сёння», — напісаў валанцёр.
Інтэрнэт-выданне «Мілітарны» адзначае, што ўкраінскія вайскоўцы ўсё часцей перахопліваюць БПЛА праціўніка з дапамогай дронаў. Толькі за апошнія тыдні жніўня ўкраінскія беспілотнікі-перахопнікі збілі больш за сотню расійскіх беспілотнікаў-разведчыкаў.
Звычайна гэта беспілотнікі вайсковага класа: Supercam S350, ZALA 421-16E і «Арлан-10», якія выкарыстоўваюцца расійскім бокам для разведкі прыфрантавой і тылавой тэрыторыі Украіны і для навядзення артылерыі і баражуючых боепрыпасаў.
Сам жа перахоп робіцца ў асноўным мадэрнізаванымі для такіх задач FPV-беспілотнікамі з аскепкава-фугаснай баявой часткай кантактнага дзеяння або з дыстанцыйным падрывам. Хоць вядома, што некаторыя аператары практыкуюць і іншыя метады збівання, у прыватнасці, таран.
Як піша выданне, збіць варожы дрон-камікадзэ ўдалося з дапамогай мадыфікаванага FPV-дрона-перахопніка.
Аўтар твітар-канала Status-6 (Military & Conflict News) заўважае, што гэта хіба што першы зафіксаваны выпадак паспяховага знішчэння расійскага «Изделия-51».
Расійскія баражуючыя беспілотнікі «Ланцэт» сталі адной з самых вялікіх небяспек для ўкраінскай арміі. Праціўнік іх выкарыстоўвае для знішчэння бранятэхнікі і артылерыі ды іншых важных аб'ектаў на полі бою і ў блізкім тыле.
Выкарыстанне беспілотнікаў у якасці метаду супрацьпаветранай абароны — гэта новая ідэя, якую ўпершыню на практыцы ў рэжыме рэальнай вайны рэалізавалі Узброеныя сілы Украіны. Іх падштурхнуў да гэтага дэфіцыт класічных сродкаў супрацьпаветранай абароны ва ўмовах супрацьстаяння з нашмат больш моцным праціўнікам.
Ва Украіне заявілі, што стварылі свае дроны-камікадзэ, якія павінны стаць адказам расійскім «Ланцэтам»
Ці можа супрацьдронавая стрэльба збіваць дроны «Ланцэт»?
Украінскія вайскоўцы сталі выкарыстоўваць новы дрон. Ён выпальвае тэрыторыю пад сабой, як сапраўдны дракон
Украінскія вайскоўцы сталі выкарыстоўваць новую хітрасць з беспілотнікамі
Цяпер чытаюць
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне14
Каментары