Разумныя лідэры апазіцыі таксама прыкусілі губу. Піша Барыс Тумар.
У Еўранэст запросяць толькі дэлегатаў ад апазіцыі. Ад лукашыстаў не будзе нікога. Пра гэта стала вядома крыніцам у Брусэлі.
Рашэнне прадказальнае: каму ж падабаецца, калі вам плююць у твар. А беларуская адміністрацыя пару разоў плюнула сакавіта. З разлікам і дакладнасцю.
Дэпутаты палаты і іх дэлегаваныя са спецслужбаў памочнікі ціха мацюкаюцца. Яны ўжо паспелі вывучыць турыстычныя мапы Брусэля і купіць новыя гальштукі.
Самае цікавае для разумных лідэраў апазіцыі — магчымасць камунікаваць з лукашэнкаўцамі — сарвалася. Самая цікавая для другога эшалону лукашэнкаўцаў — магчымасць бяспечна кантактаваць з апазіцыяй — страчаная таксама.
А ў астатнім усё добра. Прыстойнасці захаваныя. Антынароднаму рэжыму далі належны адлуп за яго некіраванасць. Лідэры апазіцыі атрымаюць камандзіровачныя і магчымасць вучыцца майстэрству сядзення ў прэзідыумах.
-
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам
-
Калі вы працуеце ў Польшчы, то можаце за хвіліну падтрымаць «Нашу Ніву» 1,5% падаходнага, не патраціўшы ані гроша. Вось як
-
Адказ чытачу з Томска пра тое, чаму ваш «яркі рэжысёр» нам непрымальны
Каментары