«Ці можна Ціханоўскага пад сафіты і пытаць пра планы, а потым паказваць, як ён рыдае?»
Шчырая размова Сяргея Ціханоўскага з журналістамі выклікала крытыку ў некаторых беларусаў.
У сацыяльных сетках беларусы дзеляцца сваімі ўражаннямі ад прэс-канферэнцыі Сяргея Ціханоўскага і іншых вызваленых палітвязняў.
Тэлевядучая і паэтка Валярына Кустава, якая з'ехала з Беларусі ўлетку 2021 года з-за пагрозы пераследу па абвінавачванні ў супрацы з «Белсатам», а таксама за дапамогу рэпрэсаваным, выказалася на сваёй старонцы ў фэйсбуку на гэтую тэму.
Калі «Наша Ніва» цытавала допіс Куставай, ён быў адкрытым для ўсіх. Цяпер аўтарка схавала яго, таму па яе просьбе мы прыбралі з нашага сайта яе меркаванне.
Выказалася і журналістка Святлана «Нілла» Пажарава, напісаўшы на сваёй старонцы ў фэйсбуку:
«Не трэба было зараз гэтай прэсухі. Не зараз….». Дадаўшы, што прэс-канферэнцыя Сяргея Ціханоўскага — «сумная карцінка нашай беларускай журналістыкі».
На ўдакладняльнае пытанне, што яе засмучае, жанчына адказала:
«Яны толькі ўчора з іншага свету. Вельмі траўматычнага, у якім правялі столькі гадоў. Ці можна такую асобу выводзіць пад сафіты і пытаць пра планы, а потым паказваць, як ён рыдае? Я думаю, не».
На заўвагу, як яшчэ паказаць свету, з чым змагаецца Беларусь, гэтую хроніку з канцлагераў, без якой не асэнсаваць, што там адбывалася, Нілла адказала:
«А для чаго? Заходні свет не бачыў жахаў? Зараз упечатліцца? І кінецца давіць Луку? Адказ на ўсе пытанні — не. Гэта здзек без вялікага сэнсу. Ва Украіне ніхто не цягне знясіленых і здэзарыэнтаваных людзей з расейскага палону пад сафіты».
Цяпер чытаюць
Мужчына ў мінскім метро лапаў дзяўчат, з выгляду падлеткаў, і паказваў ім пахабныя жэсты. Яго затрымалі10
Каментары
[Зрэдагавана]