У Іспаніі падчас перавозкі на выставу таямніча знікла карціна Пабла Пікаса
У Іспаніі таямніча знікла карціна Пабла Пікаса «Нацюрморт з гітарай» (1921), якая перавозілася з Мадрыда ў Гранаду для выставы ў фондзе CajaGranada. Паліцыя разглядае як магчымасць выпадковага губляння, так і наўмыснага крадзяжу, паведамляе Euronews.
Карціна павінна была стаць часткай выставы «Нацюрморт. Вечнасць нежывога», якая адкрылася 8 кастрычніка. Аднак маленькая работа памерам 12,7 × 9,8 см не дайшла да месца прызначэння.
Па факце знікнення фонд падаў заяву 10 кастрычніка, расследаванне вядзе спецыяльная брыгада па ахове гістарычнай спадчыны Нацыянальнай паліцыі. На гэты момант карціна не знойдзена, а арыштаў не было.
Карціну перавозіла кампанія, якая спецыялізуецца на транспартаванні мастацкіх твораў. Яна была закрытая на складзе 25 верасня разам з іншымі карцінамі для сумеснай дастаўкі ў Гранаду. Паездка пачалася 2 кастрычніка, а 3 кастрычніка работы даставілі ў Культурны цэнтр Гранады. Падчас падарожжа карціны на ноч знаходзіліся ў муніцыпалітэце Дэйфонтэс — гэты момант з’яўляецца ключавым для расследавання.
Праблема ўзнікла з-за таго, што ўпакоўка не была належным чынам пранумараваная, таму падчас распакоўкі 6 кастрычніка куратарка Марыя Тараль і кіраўнік выставы заўважылі, што работы Пікаса няма. Камеры відэаназірання за выхадныя не зафіксавалі ніякіх падазроных дзеянняў.
Выстава, на якой прадстаўленыя 58 твораў з прыватных калекцый такіх мастакоў, як Хуан Грыс, Рэнэ Магрыт і Рафаэль Сабалета, будзе адкрытая да 11 студзеня.
У доме Джэка Нікалсана заўважылі карціну, падобную да «Евы» Суціна. Што за яна?
Музей вярнуў карціну Шагала ўладальнікам праз 70 гадоў. І атрымаў $4 мільёны кампенсацыі
Італія раскрыла агульнаеўрапейскую сетку па вырабе і продажы падробленых твораў мастацтва
У Бельгіі ў падвале знайшлі скрадзеную карціну Марка Шагала
Цяпер чытаюць
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам24
Каментары
Назоўны: Пабла Пікаса
https://be.wikipedia.org/wiki/%D0%9F%D0%B0%D0%B1%D0%BB%D0%B0_%D0%9F%D1%96%D0%BA%D0%B0%D1%81%D0%B0
Пачытаў пару абзацаў.. болей не змог :
...
Заснавальнік кубізма
родапачынальнікам кубізма
мэта кубізма --- 3 РАСЕЙСКІЯ Родны склоны
Яго жыццё ў гэты час спалучаная --- спалучанаЕ
там ён уваходзіць у грамаду --- далучаецца да грамады
які аспрэчваў традыцыі натуралізма -- 4-ты РАСЕЙСКІ Родны склон
…
ХТО аўтар гэтага артыкула? Не вы ? )